मुंबई ः कोरोनामुळे सरकारने  65 वर्षांवरील कलाकार तसेच कामगार आणि तंत्रज्ञ यांना चित्रीकरणास बंदी घातली होती. त्यामुळे अनेक निर्माते व दिग्दर्शक नाराज झाले होते काही ज्येष्ठ कलाकारांनीदेखील याबाबत नाराजीचा सूर व्यक्त केला होता. परंतु आता सरकारने 65 वर्षांवरील कलाकार आणि तंत्रज्ञ व कामगार यांना चित्रीकरणात सहभागी होण्याची परवानगी दिली आहे. राज्याचे सांस्कृतिक कार्य मंत्री अमित विलासराव देशमुख यांनी दिली.

सुशांतच्या पोस्टमार्टम रिपोर्टवर साईन करणा-या डॉक्टरांना सतत फोन करुन केली जातेय शिवीगाळ, सुरक्षित ठिकाणी हलवण्याची आली वेळ? - 

कोरोना महामारीमुळे संपूर्ण चित्रीकरण बंद होते. सरकारने चित्रीकरणास परवानगी दिली आणि हळूहळू चित्रीकरण सुरू झाले. परंतु सरकारने ही परवानगी देताना काही नियम आणि अटी घातल्या. त्यातील एक नियम असा होता की 65 वर्षांवरील व्यक्तींना चित्रीकरणात सहभागी होता येणार नाही. या नियमामुळे टीव्ही मालिकांच्या निर्मात्यांचे व दिग्दर्शकांची पंचाईत झाली होती. पण आता उच्च न्यायालयाने सदर अट रद्द करण्याचा निर्णय दिल्याने आता ६५ वर्षांवरील कलाकार व क्रू सदस्यांना चित्रीकरणात सहभागी  होण्याची मुभा राहील अशी माहितीही श्री. देशमुख यांनी दिली आहे.  

----------------------------------------------------

( संपादन - तुषार सोनवणे )