अभिनेता अशोक सेल्वन आणि अरुण पांडियन यांची मुलगी, अभिनेत्री कीर्ती पांडियन यांचे लग्न झाले आहे.

अशोक आणि कीर्ती गेल्या काही वर्षांपासून एकमेकांना डेट करत होते आणि अखेर बुधवारी एका सुंदर सोहळ्यात या दोघांनी नातेवाईक आणि मित्रमैत्रिणींच्या उपस्थिती लग्नगाठ बांधली.

(Ashok Selvan get married with Keerthi Pandian Check out dreamy first official wedding pics)

अशोक आणि किर्ती सेल्वन यांची एंगेजमेंट काही महिन्यांपूर्वी झाली होती आणि त्यांच्या लग्न सोहळ्याला फक्त जवळचे नातेवाईकच हजर होते. बालयांगोट्टई, तिरुनेलवेली जवळ इत्तेरी येथे या दोघांचा लग्न झालं.

या दोघांच्या लग्नाच्या फोटोंमध्ये अशोक आणि कीर्ती त्यांच्या पांढर्‍या आणि सोनेरी पोशाखात आकर्षक दिसत आहेत. कीर्तीने गजरा असलेली साडी नेसली होती आणि अशोक देखील त्याच्या पारंपारिक पोशाखात देखणा दिसत होता.

या दोघांच्या लग्नाचे रिसेप्शन चेन्नई येथे होणार आहे. नवविवाहित जोडप्याचे चाहते आणि चित्रपट जगतातील अनेक लोक अभिनंदन करत आहेत. त्यांच्या लग्नाचे फोटो सोशल मीडियावर व्हायरल होत आहेत. मंजी मोहन यांनी लिहिले, "अभिनंदन मित्रांनो." ऐश्वर्या राजेश यांनीही या जोडप्याचे अभिनंदन केले. एका चाहत्याने लिहिले, "तुमच्यासाठी खूप आनंदी आहे."

रम्या पांडियन, जी कीर्तीची चुलत बहीण आहे, तिने सोशल मीडियावर या जोडप्याचे अभिनंदन करण्यासाठी आणि आणखी काही फोटो शेअर केले आहेत. फोटो शेअर करत तिने लिहिले, "शुभ वैवाहिक जीवन माझी प्रिय, आणि आमच्या कुटुंबात तुझे स्वागत आहे."