आज बॉलिवूडचे प्रसिद्ध कलाकार आशुतोष राणा यांचा वाढदिवस. आशुतोष यांनी आजवर अनेक सिनेमांंमधून प्रेक्षकांचं मन जिंकलं.

आशुतोष राणा यांच्या वाढदिवसानिमित्त एक खास किस्सा आम्ही सांगणार आहोत. जेव्हा आशुतोष यांनी राजकुमार रावच्या कानाखाली मारली होती. अनुभव सिन्हा दिग्दर्शित 'भीड़' सिनेमाच्या सेटवर हा किस्सा घडला. सिनेमाच्या प्रमोशन निमित्तानं 'द कपिल शर्मा शो' मध्ये 'भीड़' सिनेमाची टीम नुकतीच गेली होती.

'द कपिल शर्मा शो' मध्ये गेल्यावर कपिल शर्मानं 'भीड़' सिनेमाच्या टीमला संबंधित अनेक प्रश्न विचारले आणि सर्वांनीच या मुलाखतीत मनमोकळा संवाद साधला. सिनेमाच्या ट्रेलरमध्ये एक सीन आहे,ज्यात आशुतोष राणा राजकुमार रावच्या कानशिलात लगावतात.

राजकुमार रावनं खुलासा केला की शूट करताना आशुतोष राणा यांनी त्याच्या खरोखरची कानाखाली मारली होती. पण असं का केलं होतं आशुतोष राणा यांनी?(Ashutosh Rana Slapped Rajkumar Rao during shooting bheed)

थप्पड वाल्या सीनचा उल्लेख करताना शो दरम्यान कपिलनं राजकुमार रावला प्रश्न केला की त्याच्या मनात हा प्रश्न तेव्हा उठला होता का की दिग्दर्शक अनुभव सिन्हानं तर आशुतोष राणांना आपल्याला खरोखरची कानाखाली मारायला सांगितलं नसेल ना. कारण आशुतोष राणा एखादी भूमिका साकारताना त्याच्यात पूर्णपणे स्वतःला झोकून देण्यासाठी प्रसिद्ध आहेत तर अनुभव सिन्हा रिअॅलिस्टिक पद्धतीनं सिनेमा शूट करण्यासाठी ओळखले जातात.

हेही वाचा: अदानी..हिंडेनबर्ग आणि भविष्य....

कपिलच्या हे असं विचारण्यावर राजकुमार राव म्हणाला की,''आशुतोषनी त्याला खरोखर श्रीमुखात लगावली होती''. त्यावर आशुतोष राणा म्हणाले,''मी मारत नव्हतो पण राजकुमार राव इतका ईमानदार अभिनेता आहे की त्यानं स्वतः मला त्याला मारायला सांगितलं. मी खरंतर नाहीच म्हणत होतो पण राजकुमार म्हणाला की,सर मारा मला''.

आशुतोष राणा पुढे म्हणाले की,''तेव्हाच दिग्दर्शक अनुभव सिन्हा आले आणि म्हणाले,'जर तो म्हणतोय मला मारा..तर मग मारा..'आणि असा तो ट्रेलरमध्ये दिसलेला सीन शूट झाला होता''.

भीड सिनेमा २४ मार्च रोजी रीलिज होणार आहे.