ashvini bhave and ajinkya deo: अश्विनी भावे हे सिनेसृष्टीतील एक नावाजलेलं नाव. गेली २ दशके त्या चित्रपट क्षेत्रात कार्यरत आहे. त्यांनी केलेल्या सर्वच भूमिका या रसिकप्रेक्षकांच्या मनात अजूनही जिवंत आहेत. फक्त मराठीतच नाही तर त्यांच्या कलाकृतीने बॉलीवूड मध्ये वेगळी ओळख निर्माण केली आहे. बॉलीवूडच्या बड्या बड्या स्टार्ससोबत त्यांनी काम केलं आहे. फक्त फॅन्सच नाहीतर चित्रपट समीक्षकांनाही त्यांच्या कामाची नेहमीच तारीफ केली आहे. आज अश्विनी भावे यांनी अजिंक्य देव यांच्यासोबत फोटो शेयर करत खास पोस्ट लिहिली आहे.

अभिनेत्री अश्विनी भावे यांनी एके काळी मराठी रसिकांच्या मनावर अधिराज्य गाजवलं आहे. 'सरकारनामा', 'धाकडेबाज', 'बनवाबनवी', 'हळद रुसली, कुंकू हसलं', वजीर असे अनेक चित्रपट त्यांनी हिट केले आहे. अभिनेते अजिंक्य देव यांच्यासोबतचा 'सरकारन नामा' हा चित्रपट विशेष गाजला. या चित्रपटाला जवळपास २५ वर्षे पूर्ण झाली आहेत. आता २५ वर्षांनी अश्विनी आणि अजिंक्य पुन्हा एकत्र येत आहे.

अश्विनी भावे यांनी एक पोस्ट शेअर केली आहे. ज्यामध्ये अश्विनी आणि अजिंक्य एक देव एकत्र आहेत. या शूटिंग लोकेशनवर. या फोटोला कॅप्शन देताना अश्विनी म्हणाल्या, 'सरकारनामा' या चित्रपटाचे रौप्य महोत्सवी वर्ष आम्ही साजरा करत आहोत. अशातच मी आणि अजिंक्य आम्ही एकत्र पुन्हा चित्रीकरण करत आहोत, तेही २५ वर्षांनी..' त्यांच्या या पोस्टने चांगलीच उत्सुकता वाढवली आहे. आता नवीन काय पाहायला मिळणार याचे वेध चाहत्यांना लागले आहे.