Athiya-Rahul Wedding : बॉलिवूड अभिनेत्री अथिया शेट्टी आणि भारतीय क्रिकेटर केएल राहुलच्या लग्नाची चर्चा ही गेल्या काही दिवसांपासून सुरु आहे. आज दोघेही एका इंटिमेट वेडिंग फंक्शनमध्ये लग्नाच्या बेडीत अडकणार आहेत. त्याच्या मंडप सजला आहे, वधू-वरांचीही सर्व तयारी झाली आहे.

अथिया आणि केएल राहुल हे खंडाळा येथील सुनील शेट्टी यांच्या फार्महाऊसवर विवाह बंधनात अडकतील. जाणून घेऊया या बंगल्याची वैशिष्ट्ये

सुनील शेट्टीच्या घराची नेत्रदीपक एन्ट्री

सुनील शेट्टी यांच्या बंगल्याच्या प्रवेशद्वारावर भगवान शंकराची भव्य मूर्ती ठेवण्यात आली आहे.घराच्या आजूबाजूला इतकी हिरवाई आहे की माणूस मंत्रमुग्ध होतो.

राहण्याचा सुंदर परिसर

सुनील शेट्टी यांच्या खंडाळ्यातील बंगल्याची राहण्याची जागा मोठी आहे.घराचा प्रत्येक कोपरा सजावटीच्या वस्तूंनी सजलेला असतो.यासोबतच प्रत्येक कोपरा सुंदर करण्यासाठी इनडोअर प्लांट्सही लावण्यात आले आहेत.

सुनील शेट्टीच्या घराचे छत हे फार स्पेशल आहे

सुनील शेट्टीच्या घराचे छत अप्रतिम आहे.ते कारच्या सनरूफप्रमाणेच उघडते.घराच्या गच्चीवरून आजूबाजूचे दृश्य इतके सुंदर दिसते की इथून बाहेर पडावेसे वाटणार नाही.

सुनील शेट्टीच्या खंडाळा बंगल्याचा टॉप अॅंगल

या फोटोमध्ये सुनील शेट्टीच्या बंगल्याचे सौंदर्य तुम्ही पाहू शकता.वरून त्याचे घर असे दिसते. दऱ्यांमध्ये वसलेला सुनील शेट्टीचा बंगला एखाद्या स्वर्गापेक्षा कमी नाही.

बंगल्यात आहेत पुरातन वस्तू

सुनील शेट्टीच्या या बंगल्यात तुम्हाला अनेक प्रकारच्या प्राचीन वस्तू मिळतील.त्याच्या बंगल्यात असे अनेक कोपरे आहेत जिथे निवांत क्षण सहज घालवता येतात.सुनीलच्या बंगल्याचा हा कोपरा खूप सुंदर आहे.