अभिनेते सुनील शेट्टी यांची मुलगी अथिया शेट्टीच्या Athiya Shetty वाढदिवसानिमित्त क्रिकेटर आणि तिचा प्रियकर केएल राहुलने KL Rahul प्रेमाची जाहीर कबुली दिली. अथियासाठी सोशल मीडियावर खास पोस्ट लिहित केएल राहुलने त्याच्या प्रेमभावना व्यक्त केल्या. त्याने अथियासोबतचे काही फोटोसुद्धा पोस्ट केले आहेत. 'हॅपी बर्थडे माय लव्ह', असं कॅप्शन केएल राहुलने या फोटोंना दिलं आहे. या पोस्टवर अथियानेसुद्धा हृदयाचे इमोजी पोस्ट केले आहेत.

अथिया आणि राहुल गेल्या काही वर्षांपासून एकमेकांना डेट करत आहेत. मात्र आतापर्यंत त्यांनी कधीच प्रेमाची जाहीर कबुली दिली नव्हती. नुकतेच हे दोघं एकमेकांसोबत लंडनला फिरायला गेले होते. अथिया आणि केएल राहुल सोशल मीडियावर एकमेकांचे फोटो नेहमी शेअर करत असतात.

अथियाने 2015 मध्ये 'हिरो' या चित्रपटामधून बॉलिवूडमध्ये पदार्पण केलं. या चित्रपटाची निर्मिती सलमान खानने केली होती. त्यानंतर तिने मुबारका, नवाबजादे, मोतीचूर चकनाचूर या चित्रपटांमध्ये काम केलं.