Upcoming South Movie : साउथचा ब्लॉकबस्टर सिनेमा बाहुबली याने अनेक रेकॉर्ड तयार केले. या चित्रपटाच्या पहिल्या भागाने खुपच धुमाकूळ घातला. तर दुसरा भाग प्रेक्षकांनी फक्त एका कारणासाठीच पाहिला. पहिला भाग पाहिल्यानंतर एकच प्रश्न प्रेक्षकांना पडला होता. तो म्हणजे कटप्पाने बाहूबलीला का मारलं? दुसऱ्या भागात जितकी चर्चा बाहूबलीची झाली त्यापेक्षा जास्त चर्चा ही त्याचं संरक्षक करणाऱ्या कटप्पाची झाली.

आता त्याचच कटप्पा म्हणजेच सत्यराज हे पुन्हा एक धमाकेदार चित्रपटासोबत परतले आहेत. 'बाहुबली 2' च्या कट्टप्पाने पुन्हा बॉक्स ऑफिसवर एका नव्या युद्धाचा बिगुल वाजवला आहे. कटप्पा म्हणजेच सत्यराज हे आता एका सुपर ह्यूमन वेपनच्या प्रेक्षकांच्या भेटीला येणार आहे.

नुकताच या चित्रपटाचा टिझर रिलिज करण्यात आला. या खतरनाक टिझरमध्ये सत्यराजसोबत वसंत रवी, तान्या होप, राजीव मेनन आणि राजीव पिल्लई मुख्य भूमिकेत दिसणार आहेत. सुपर ह्युमन वेपनचे दिग्दर्शन गुहान सेनिअप्पन यांनी केले आहे, तर चित्रपटाची निर्मिती मिलियन स्टुडिओने केली आहे.
सत्यराज चित्रपटात खतरनाक खलनयाकाच्या भुमिकेत दिसत आहे. कटप्पा पुन्हा अॅक्शन अतवतारात परतले आहेत.

बाहुबलीनंतर पहिल्यांदाच सत्यराज मीडियाला भेटण्यासाठी मुंबईत आले आहे. सुपर ह्युमन वेपन हा एक पॅन इंडिया चित्रपट आहे, जो संपूर्ण भारतात प्रदर्शित होणार आहे.

अलीकडेच चित्रपटाच्या संपूर्ण स्टारकास्टने मुंबईत पत्रकार परिषद घेतली होती. यात त्यांनी चित्रपटात काम करतानाचे अनुभव शेअर केले. सत्यराज यांना मुंबईत पाहिल्यानंतर ते पुन्हा बॉलिवूडमध्ये एंट्री करणार का अशा चर्चा रंगल्या होत्या.

त्याच्या बॉलिवूड पदार्पणाबद्दल बोलायचं झाल्यास त्यांनी पहिल्यांदाच रोहित शेट्टीच्या चेन्नई एक्सप्रेसमध्ये दीपिका पदुकोणच्या वडिलांची भुमिका साकारली होती.