Bageshwar Dhirendra Shahstri Place Natu Natu Hindi Singer : मध्यप्रदेशातील छतरपूर जिल्ह्यातील गढा गावात असणाऱ्या बागेश्वर धामच्या धीरेंद्र शास्त्रींची सध्या मोठ्या प्रमाणात चर्चा आहे. कुणाच्याही मनातलं ओळखण्याची अनोखी सिद्धी या बाबांना अवगत असल्याची चर्चा आहे. त्यावरुन त्यांना अनेकांनी आव्हान देखील दिले आहे. देशभरामध्ये गेल्या काही दिवसांपासून धीरेंद्र महाराज वेगवेगळ्या कारणांमुळे नेटकऱ्यांचे लक्ष वेधून घेताना दिसत आहे.

आता बागेश्वर महाराजांच्या दर्शनाला मनोरंजन विश्वातील सेलिब्रेटी देखील उपस्थित राहत असल्याचे दिसून आले आहे. त्यामध्ये ज्या चित्रपटाच्या गाण्याला ऑस्कर मिळाला त्या आरआऱआऱ च्या हिंदी गाण्याचे गायक विशाल मिश्रा आणि गदर २ फेमची अभिनेत्री सिमरन कौर यांचा समावेश आहे. यानंतर या दोन्ही सेलिब्रेटींवर सोशल मीडियातून कौतूकाचा वर्षाव होत असल्याचे दिसून आले आहे. कुणाच्याही मनातील गोष्ट सहजपणे ओळखू शकणाऱ्या धीरेंद्र स्वामींना भेटण्यासाठी देशातून लाखो भाविक येत असतात.

Also Read - अदानी..हिंडेनबर्ग आणि भविष्य....

काही दिवसांपूर्वी महाराष्ट्रातील ठाणे जिल्ह्यातील मीरा रोड याठिकाणी त्यांच्या दोन दिवसीय कार्यक्रमाचे आयोजन करण्यात आले होते. यावेळी त्यांच्या भक्तांनी मोठ्या प्रमाणात गर्दीही केली होती. याप्रसंगी मुंबईतील प्रसिद्ध सेलिब्रेटींनी त्यांची भेट घेतल्याचे दिसून आले.

अभिनेत्री सिमरन कौरनं तिच्या एका मुलाखतीमध्ये याविषयी सांगितले होते. मी त्या बाबांना खूप मानते. त्यांच्यावर माझा खूप विश्वासही आहे. ते ज्याप्रकारे लोकांशी संवाद साधतात ते अजब आहे. मी त्यांची खूप मोठी भक्त असून आईसोबत त्यांचे दर्शन करण्यासाठी गेले होते.