Akash Choudhary: 'भाग्यलक्ष्मी' फेम प्रसिद्ध मॉडेल आणि लोकप्रिय अभिनेता आकाश चौधरी हा नेहमी कोणत्या ना कोणत्या कारणाने चर्चेत असतो. त्याचे बरेच व्हिडिओ आणि फोटो सोशल मीडियावर व्हायरल होत असतात.

आता देखील त्याचा एक व्हिडिओ सोशल मीडियावर तुफान व्हायरल झाला आहे. या व्हिडिओत एका चाहत्याने आकाशसोबत फोटो क्लिक केला. त्यानंतर आकाश त्याच्या गाडीकडे जात असतांना त्याला मागून बाटली मारुन फेकली. सध्या हा व्हिडिओ सोशल मीडियावर व्हायरल झाला आहे.

या व्हायरल व्हिडिओत दिसतयं की, आकाशचे काही चाहते त्याच्यासोबत फोटो क्लिक करण्यासाठी येतात, फोटो काढल्यानंतर त्यांच्यातील एक मुलगा आकाशला बाटली फेकून मारतो. त्या मुलाने आकाशला इजा पोहचवण्याचा दोन-तीन वेळा प्रयत्न केला. चाहत्याच्या या कृतीने आकाशला दुखापत झाली नसली तरी तो मात्र चांगलाच संतापला.

हा व्हिडिओ व्हायरल होताच नेटकरी खुप संतापले आहेत. त्यांनी आकाशला पाठिंबा दिला आहे. तर काहींनी त्या मुलाविरोधात तक्रार नोंदवण्याचा सल्ला त्याला दिला आहे.

काही दिवसांपुर्वी आकाशच्या गाडीचाही अपघात झाला होता. तो त्याच्या पाळीव कुत्र्यासोबत प्रवास करत असताना त्याच्या कारचा अपघात झाला होता. मात्र यात कुणालाही दुखापत झाली नव्हती.

2016 मध्ये मिस्टर इंडिया वर्ल्डवाइडचा खिताब जिंकणारा आकाश चौधरी लोकप्रिय टीव्ही गेम शो 'Splitsvilla 10' मध्ये दिसला होता. या शोमधून त्याला खुप लोकप्रियता मिळाली. आकाश सोशल मीडियावरही खुप सक्रिय असतो. त्याच्या चाहत्यांची संख्याही काही कमी नाही.