Bigg boss 16: टीव्हीवरील सर्वात वादग्रस्त शो 'बिग बॉस'चा सीझन 16 हा फिनालेपासून अवघे काही दिवस दूर आहे. या सीझनमध्ये कोण विजेता होणार याची चाहते आतुरतेने वाट पाहत आहेत.

तर दुसरीकडे, बिग बॉस 16 च्या शेवटच्या आठवड्यात, टीना दत्ता आणि प्रियांका चहर चौधरी यांनी शालिन भानोतला कसा त्रास दिला हे दिसून आले आहे. यावरूनच आता फराह खान त्या दोघींची चांगलीच शाळा घेताना दिसणार आहे.

(Bigg Boss 16 Farah Khan calls Tina Datta and priyanka chahar behaviour 'disgusting')

हेही वाचा- ....इथं तयार होतो आपला लाडका तिरंगा

टिना आणि प्रियंका नुकत्याच त्याच्या मानसिक स्थितीवर भाष्य करताना आणि त्याची खिल्ली उडवताना दिसल्या. त्यामुळे या वीकेंडच्या वॉरमध्ये सलमान खानऐवजी फराह खान, टिना आणि प्रियांकाला खडेबोल सुनावणार आहे.

या आठवड्यात सलमान खान वीकेंड का वार होस्ट करणार नाही. त्याच्या जागी फराह खान शो होस्ट करणार आहे. या वीकेंडचा एक प्रोमो समोर आला आहे, ज्यामध्ये फराह खान रागात दिसत होती.

या व्हिडिओमध्ये फराह खान, प्रियांका चहर चौधरी आणि टीना दत्ता यांना शालीन भानोटला दिलेल्या त्यांच्या वागणुकीसाठी फटकारताना दिसत आहेत. शालिनला धमकावल्याबद्दल फराहने दोन्ही अभिनेत्रींना खडसावले आहे.

गेल्या वीकेंडच्या वार नंतर , संपूर्ण घराने शालिनपासून स्वतःला दूर केले होते, ज्यामुळे तो एकटा आणि भावनिक झाला होता. तेव्हापासून प्रियांका आणि टीना त्याची खिल्ली उडवताना दिसत आहेत.

शालिनने त्यांच्याकडे दुर्लक्ष केले तरी. शिव ठाकरे, एमसी स्टॅन, निमृत आणि सुंबुल सारखे इतर घरातील सदस्य शालीनला सपोर्ट करत आहेत.

टीना दत्ता आणि प्रियांकाला आपली चूक लक्षात न आल्याने ती फराह खानशी वाद घालताना दिसली. या दोन्ही अभिनेत्रींच्या या बोलण्यावर फराह खान संतापली. ती त्यांना ताकीद देते की, 'तुम्हाला माझे ऐकायचे नसेल तर मी बाहेर जाईन.'

शालीनची प्रकृती बिघडली होती. त्याला बिग बॉसच्या घरात मानसोपचारतज्ज्ञांना भेटण्याची परवानगी देण्यात आली होती आणि त्याला औषधेही देण्यात आली होती. मात्र, प्रियांका आणि टीना त्याच्या औषधोपचार आणि नैराश्याची खिल्ली उडवतात. याबाबत फराह खान चांगलीच नाराजी व्यक्त केली.