Bigg Boss 17 Double Elimination: यंदाचा बिग बॉसचा सिझन भलताच चर्चेत आला आहे. 'बिग बॉस 17' कोणत्या ना कोणत्या कारणाने चर्चेत आहे कधी स्पर्धकाच्या भांडणामुळे तर कधी घरातील स्पर्धकांच्या वैयक्तिक आयुष्यामुळे. त्यातच सध्या आयशा आणि मुनव्वर देखील खुप चर्चेत आहेत. आयशा या आठवड्यात घराबाहेर जाईल अशी चर्चा असतानाच बिग बॉसच्या घरात डबल एविक्शन झाले आहे. मात्र यात आयशाचे नाव नसून घरातील दोन तगडे स्पर्धक घरातून बाहेर गेले आहेत.

'बिग बॉस 17' च्या घरात काल रात्री पहिले डबल एविक्शन झाले. यात सलमान खानने नील भट्ट आणि रिंकू धवन यांचे नाव घेतले. त्यामुळे नील भट्ट आणि रिंकू धवन यांचा बिग बॉसच्या घरातील प्रवास संपला आहे.

बिग बॉसच्या घरात खूप राडे केल्यानंतर सलमान खानने रिंकू धवनला घराबाहेर जाण्यास सांगितले होते. रिंकू धवन घराबाहेर जाण्याच्या बातमीने घरातले सगळे भावूक होतात. मुनव्वरही रडायला लागतो.

या आठवड्यात नील भट्ट, रिंकू धवन, आयशा खान आणि अभिषेक कुमार वीकेंड का वार मध्ये नॉमिनेट झाले होते. त्यात रिंकूला बिग बॉसच्या घरातून बाहेर जावे लागले. त्यानंतर बिग बॉसने नीलचे नाव घेतल्यानंतर सर्वांनाच धक्का बसला होता.

आता नीलने घरातून बाहेर पडल्यानंतर घरातल्या अनेक गोष्टी शेअर केल्या आहेत. मुनव्वर, आयशा आणि मन्नारा यांच्यावर भाष्य करताना नील म्हणाला, “मला वाटत नाही की मुनव्वरचे वैयक्तिक आयुष्य टेलिव्हिजनवर दाखवणे योग्य आहे."

'बिग बॉस 17' कोण जिंकणार याबद्दल विचारले असता नील म्हणाला, "जर मुनव्वर किंवा अभिषेक यांनी त्याचा खेळ जरा सुधरवला तर ते हा शो जिंकू शकतात."

आता बिग बॉसच्या घरात ओरी, अंकिता लोखंडे, विकी जैन, मुनव्वर फारुकी, ईशा मालवीय, अभिषेक कुमार, आयशा खान, अनुराग डोवाल, मन्नारा चोप्रा, अरुण महाशेट्टी, समर्थ जुरेल हे स्पर्धक आहेत.