Sana Raees Khan News: बिग बॉस 17 मधून बाहेर गेलेली आणि व्यवसायाने वकील असलेली सना रईस खानवर एका स्टायलिस्टने आरोप केले आहेत.
स्टायलिस्ट खुशबू रावतने आरोप केला आहे की, तिने सनाला रिअॅलिटी शोमध्ये दिलेले महागडे दागिने आणि कपडे परत केले नाहीत.
खुशबूने तिच्या सोशल मीडिया हँडलवर एक लांबलचक नोट लिहून सना रईस खान आणि तिच्या टीमवर आरोप केले आहेत.
स्टायलिस्ट खुशबू रावतने लिहिले, "सर्वांना नमस्कार, तुमच्यापैकी अनेकांना माहित आहे की आम्ही गेल्या 4 वर्षांपासून दरवर्षी अनेक बिग बॉस स्पर्धकांसाठी कपडे खरेदी करून काम करत आहोत.
पण बिग बॉस 17 मध्ये असलेल्या सना रईस खानसोबतचा आमचा अनुभव खूपच वाईट होता. वारंवार आठवण देऊनही तिने आणि तिच्या टीमने आमचे कपडे आणि महागडे दागिने परत केलेले नाहीत.
याशिवाय ती म्हणाली, "सेलिब्रेटींना 4 वर्षांपासून कपडे पाठवत असताना, सना रईस खानसारखं स्पर्धकासारखे कोणीही वागले नाही. कायदेशीर कारवाई करण्याशिवाय पर्याय नाही. मला आशा आहे की, सनासारख्या लोकांना चांगले दिसण्यासाठी आम्ही करत असलेले प्रयत्न तुम्हाला समजतील."
बिग बॉस 17 मध्ये तिच्या सना रईस खान विकी जैनसोबतच्या तिच्या मैत्रीमुळे चर्चेत आली होती. या रिअॅलिटी शोमध्ये सना आणि विकीचा हात धरून बोलत असल्याचा व्हिडिओ सोशल मीडियावर व्हायरल झाला होता. सनासोबत मुनव्वर फारुकी, अरुण मशेट्टी, अनुराग डोवाल आणि अभिषेक कुमार हे स्पर्धक एलिमिनेशनसाठी नॉमिनेट झाले होते. पण सना खानचा बिग बॉसमधला प्रवास संपला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.