Bigg Boss Marathi 3: बिग बॉस मराठी ३चा प्रत्येक एपिसोड रंगत चालला आहे. बिग बॉसकडून दिले जाणारे टास्क, स्पर्धकांमध्ये होणारी चढाओढ, घरातील वावर या सर्व गोष्टींमुळे प्रत्येक एपिसोडनुसार मनोरंजनाचा डोस दिवसेंदिवस वाढत जातोय. कलर्स मराठी वाहिनीच्या अधिकृत इन्स्टाग्राम पेजवर बिग बॉस मराठीचे प्रोमो नियमितपणे पोस्ट केले जातात. त्यावर प्रेक्षक आणि बिग बॉसचे चाहते आवर्जून प्रतिक्रिया देत असतात. अनेकदा स्पर्धकांना ट्रोलही केलं जातं, तर एखाद्या स्पर्धकावर नेटकऱ्यांकडून कौतुकाचा वर्षाव होतो. नुकत्याच पार पडलेल्या एपिसोडमध्ये मीरा जगन्नाथ Meera Jagannath आणि तृप्ती देसाई Trupti Desai या दोघींमध्ये जोरदार भांडण झाल्याचं पहायला मिळालं. मीराच्या दुटप्पी वागण्यावरून तृप्ती देसाईंनी संताप व्यक्त केला.

"एका आठवड्यात किती शब्द फिरवतेस. तू स्वत:लाच बिग बॉस समजते का? इथे १४ नाही, मी एकटीच खेळायला आली आहे असं तुला वाटतं का," अशा शब्दांत तृप्ती देसाईंनी मीराला सुनावलं. यावरून मीरानेही त्यांना उलट उत्तर दिलं. "म्हणते बायकांसाठी लढतेय, इतक्या खालच्या पातळीला जाऊ शकते ही बाई," असा टोमणा ती मारते. या दोघींच्या भांडणावर आता सोशल मीडियावर नेटकऱ्यांनी प्रतिक्रिया दिल्या आहेत.

'काल मीरा म्हणाली की पोळ्या कशाला करायच्या, पोहे खातील सगळे. आता सुरेखा ताईंसमोर म्हणाली रोज रोज पोहे खाऊन कंटाळा येतो. चहा पोळी करायला हवी होती. मीरा डबल ढोलकी आहे," अशी कमेंट एकाने केली. तर मीराला एकदा नॉमिनेट कराच, असं दुसऱ्याने म्हटलं. मीरा चावडीवरही खोटं बोलते, असंही मत नेटकऱ्यांनी मांडलं. बिग बॉसच्या पहिल्या एपिसोडपासून मीरा सोशल मीडियावर चर्चेत आहे. बिग बॉसच्या घरात सतत भांडण करत असल्याने मीराला अनेकदा ट्रोल केलं गेलं.