Bigg Boss Marathi 4: बिग बॉस मराठी ४’ हा पर्व चांगलाच गाजत आहे. या सिझनने प्रेक्षकांच भरभरुन मनोरंजन केलं. या शोचा १०० दिवसांचा प्रवास पूर्ण व्हायला आता काही दिवस राहिले आहे. बिग बॉसचा खेळ आता ८८व्या दिवसावर आला असून, येत्या ८ जानेवारीला महाअंतिम सोहळा रंगणार आहे.

अंतिम फेरीत जाण्यासाठी स्पर्धक एकमेकांशी स्पर्धा करत आहेत. गेल्या दिवसात या घरात मैत्री, राडा, भांडणं आणि धमाल सगळं प्रेक्षकांना पाहायला मिळालं.

या ट्रॉफीच्या शर्यतीत आता कोण बाजी मारणार याकडे सगळ्यांचेच लक्ष लागून राहिले आहे. आता या घरात अपूर्वा नेमळेकर, अमृता धोंगडे, राखी सावंत, प्रसाद जवादे, किरण माने, अक्षय केळकर, आरोह वेलणकर या स्पर्धकांमध्ये ‘बिग बॉस’ ट्रॉफीच्या लढतीची शर्यत रंगणार आहे.

आता ‘बिग बॉस मराठी सीझन ४’ला त्याचा पहिला फायनलिस्ट मिळाला आहे. बिग बॉसच्या घरात धान्याचा टास्क रंगला. या टास्कमध्ये स्पर्धकांमध्ये चुरशीची लढाई झाली. जिंकण्यासाठी प्रेक्षकांनी हद्दच पार केली.

दरम्यान हा टास्क जिंकून अपूर्वा नेमळेकर हिने तिकीट टू फिनाले पटकावलं आहे. धान्याच्या टास्कमध्ये अक्षय केळकर आणि अपूर्वा नेमळेकर यांच्यात रंगलेल्या या सामन्यात अपूर्वानं बाजी मारली. आता अपूर्वाने ‘बिग बॉस मराठी ४’च्या महाअंतिम सोहळ्यात झेप घेतली आहे.