BB OTT 2 Weekend Ka Vaar: बिग बॉस OTT सीझन 2 ला आता एक आठवडा पुर्ण झाला आहे. या एका आठवड्यातच घरात खुप सारे वाद आणि भांडणं झाली. या शनिवारी आणि रविवारी या सिझनचा पहिला 'वीकेंड का वार' घेण्यात आला. जो भाईजान म्हणजेच सलमान खानने त्याच्या स्टाईलमध्ये घेतला.

यावेळी त्याने घरातील सर्व स्पर्धकांचा क्लास घेतला. यात त्याने आकांक्षा पुरी, आलिया सिद्दीकी, बेबिका आणि पुजा भट्ट यांचीही शाळा घेतली.

त्यातच रविवारी या सिझनचं पहिलं एलिमिनेशन पार पडलं. या आठवड्यात घरातुन बाहेर जाण्यासाठी बाबिका ध्रुवे, जिया शंकर, अविनाश सचदेव आणि पलक पुरस्वानी यांच्या नावाचा समावेश होता.

आता पुनीत सुपरस्टारनंतर घरतुन बाहेर जाण्याचा नंबर पलक पुरस्वानीचा लागला. तिला खुप कमी मते मिळाल्या तिला घरातून बाहेर काढण्यात आले.

सुरवातीला सलमान घरातील सर्व स्पर्धकांसोबत गंमत करतो. सलमान गमतीने बबिकाला सांगतो की, उद्या तिचा वाढदिवस आहे आणि त्यांनी तो साजरा करावा कारण ती बाहेर पडेल. बाबिका केक कापते आणि नंतर सलमान तिला सांगतो की तिला बाहेर घराबाहेर जाण्यासाठी सांगतो मात्र, काही वेळानंतर सलमान तो सर्वाची गंमत करत असल्याच सांगतो आणि घरातुन कोण बाहेर जाणार हे सांगतो.

एपिसोडच्या शेवटी तो पलकच नाव घेतो आणि कमी मतांमुळे तिला बाहेर काढतो. यावेळी पलक खुप भावुक होते आणि बिगबॉसने तिला इतकी मोठी संधी दिल्याबद्दल सर्वांचे आभार मानले. ती बाहेर जात असल्यामुळे तिच्या मैत्रिणी जिया शंकर आणि आकांक्षा पुरी देखील भावुक होतात. पलक पुरस्वानी ही एक टीव्ही अभिनेत्री आहे. तिने अनेक शोमध्ये काम केले आहे.

बिग बॉस OTT 2 Jio सिनेमा आणि Voot वर फ्रिमध्ये पाहता येईल. ज्याला प्रेक्षकांचा खुप प्रतिसादही मिळत आहे.