Bigg Boss Ott 2 सध्या चर्चेत आहे. यंदाच्या सीझनमध्ये वेड मधली निशा म्हणजेच अभिनेत्री जिया शंकर सहभागी होती. जिया शो मध्ये चांगलीच चर्चेत आहे. जियाचे टास्क, तिचं इतर स्पर्धकांबद्दल असलेलं वागणं अशा अनेक गोष्टी प्रेक्षकांमध्ये चर्चेचा विषय झालाय.

अशातच जिया एल्विशसोबत जिया शंकर जे वागली ज्यामुळे सलमान तिच्यावर भडकला आहे. इतकंच नव्हे तर या विकेंड का वार मध्ये सलमानने जियाला मिरचीचं पाणी प्यायची शिक्षा दिली.

(Bigg Boss OTT 2 Salman Khan bashes Jiya Shankar for making Elvish Yadav drink soap-water)

एल्विशच्या पाण्यात मिसळला साबण

जिया शंकरने शोमध्ये एल्विशच्या पाण्यात साबण मिसळला होता, ज्यासाठी तिला सोशल मीडियावर खूप ट्रोल करण्यात आले होते.

यासह, बिग बॉसच्या आगामी भागामध्ये, होस्ट सलमान खानने वीकेंड का वार सुरू केला, जिथे त्याने बिग बॉसच्या घरातील या प्रकाराबद्दल स्पर्धकांची चांगलीच शाळा घेतली.

यासोबतच सलमानने जिया शंकरशीलाही बोलतं केलं आणि एल्विशशी झालेल्या गैरवर्तनाबद्दल तिला फटकारलं.

सलमानने जियाची घेतली शाळा

आगामी एपिसोडमध्ये सर्व स्पर्धक लिव्हिंग एरियामध्ये बसलेले दाखवले जाईल, जिथे होस्ट सलमान खान जियाला पुढे येण्यास सांगतो. यादरम्यान तो जियाला फटकारतो.

तो जियाला विचारतो की, तू कधी रस्त्यावरच्या कुत्र्यांना खायला दिले आहेस आणि त्यांच्यासोबत खेळले आहेस का? यावर जिया होय म्हणते.

तर सलमान म्हणतो, तुम्ही त्याला कधी साबणयुक्त पाणी दिले आहे का? जिया म्हणते नाही सर, मी खूप मूर्ख होते की मी असे कृत्य केले.

सलमानने दिली शिक्षा

त्याचवेळी सलमान खानने जियाला एक चमचा मिरची खाण्यास आणि पाणी पिण्यास सांगितले आहे. सलमानने दिलेली शिक्षा जिया करण्यास तयार झाली.

जिया म्हणते की, तिने काही दिवसांपूर्वी एल्विशला साबणयुक्त पाणी दिले होते, त्यामुळे सलमानने तिला अशी शिक्षा दिली.

याशिवाय जिया जेव्हा सलमानची माफी मागत होती तेव्हा ती काहीशी हसत होती. त्यावेळी सलमान तिच्याकडे बोट दाखवत म्हणाला.. दात काढून कोणी माफी मागत नाही. एकुणच जियाला सलमानच्या रोषाला सामोरं जावं लागलंय.