Bloody Daddy Trailer out: बॉलिवूड अभिनेता शाहिद कपूर हा अनेकांचा लाडका अभिनेता आहे. त्याची क्रेझ ही आजही कायम आहे. तो अनेकदा कोणत्या ना कोणत्या कारणाने चर्चेचा विषय असतो. शाहिदने नुकतचं 'फर्जी' या वेब सीरिजमधुन ओटीटीवर पदार्पण केले.

त्याची फर्जी चाहत्याना खुपच आवडली. त्यानंतर आता शाहिद आता पुन्हा चाहत्यांच मनोरजंन करण्यासाठी सज्ज आहे. शाहिद आता त्याच्या आगामी 'ब्लडी डॅडी' या चित्रपटाच्या तयारीत व्यस्त आहे.

अलीकडेच शाहिदने 'ब्लडी डॅडी' चित्रपटाचे आणखी एक पोस्टर शेअर केलं होतं. त्यानंतर आता ब्लडी डॅडीचं ट्रेलरही रिलिज करण्यात आलं आहे. हे ट्रेलर पाहिल्यानंतर चाहत्यांची उत्सुकता आणखीनच वाढली असून ते चित्रपटाच्या प्रदर्शनाची आतुरतेने वाट पाहत आहेत.

शाहिद कपूरने सोशल मीडियावर ब्लडी डॅडीचा ट्रेलर शेअर केला आहे. त्याने कॅप्शनमध्ये लिहिले, 'ए हेल ऑफ ए ब्लडी नाईट... ट्रेलर आऊट. #BloodyDaddyOnJioCinema'. 'ब्लडी डॅडी'मध्ये भरपूर अॅक्शन आणि भरपूर स्टंट यांचा मसाला पाहायला मिळणार आहे.

चित्रपटाचा ट्रेलर पाहिल्यानंतर कळते की हा सगळा खेळ एका कोकेनने भरलेल्या बॅगसाठी खेळला जात आहे. हा चित्रपट पुर्णपणे अॅक्शन सीन्सने भरलेला आहे.

यात शाहिद कपूर एका भयानक आणि रफ-अँड-टफ भूमिकेत दिसत आहे. त्याचबरोबर संजय कपूर आणि रोनित रॉय यांच्या भुमिकाही खुपच प्रभावित करणाऱ्या आहेत.

अली अब्बास जफर दिग्दर्शित या चित्रपटात शाहिद सोबतच संजय कपूर, डायना पेंटी आणि रोनित रॉय आणि राजीव खंडेलवाल यांच्याही भूमिका आहेत.

शाहिदचा हा चित्रपट ओटीटीवर प्रदर्शित होत आहे. 9 जून 2023 रोजी Jio सिनेमावर तो पाहता येणार आहे. ट्रेलर पाहिल्यानंतर शाहिदचे चाहते हा सिनेमा पाहण्यासाठी खुपच उत्सूक असून आताच ट्विटवर #BloodyDaddy ट्रेंड होत आहे.

शाहिदच्या वर्कफ्रंटबद्दल बोलायचे झाल्यास, शाहिद कपूर शेवटचा राज आणि डीकेच्या क्राईम थ्रिलर सिरिज 'फर्जी' मध्ये दिसला होता. 

यापूर्वी त्याने 'जर्सी' या स्पोर्ट्स ड्रामा चित्रपटात काम केले होते, ज्यामध्ये त्याने क्रिकेटरची भूमिका केली होती. 

शाहिद कपूर 'उडता पंजाब', 'हैदर', 'जब वी मेट', 'पद्मावत' आणि 'इश्क विश्क' सारख्या अनेक चित्रपटांमधील अभिनयासाठी प्रसिद्ध आहे.