अमिर खान नेहमीच कोणत्या ना कोणत्या कारणाने चर्चेत असतो. त्याला मिस्टर परफेक्शनिस्ट म्हणून ओळखलं जात असलं तरी त्याचं वागणं नेटकऱ्यांना पटत नाही. सध्या आमिर आणि त्याची एक्स वाईफ किरण रावसोबतचे काही फोटो सोशल मीडियावर समोर आले आहेत. या फोटोंमध्ये आमिरला पाहून अनेकांनी त्याला ट्रोल करण्यास सुरुवात केली आहे. तर यातून नवा वाद तयार होण्याची शक्याताही निर्माण झाली आहे. मात्र याआधीही त्यांचं नाव अनेक वादात आलं आहे. त्यावर आता एक नजर टाकूया.

असहिष्णुता वाद

आमिर खानने असहिष्णुतेबद्दल सांगितले होतं की, त्याची पत्नी भारतात राहण्यास घाबरते. हे विधान आल्यावर आमिर खानला प्रचंड विरोधाला सामोरं जावं लागलं. आमिरच्या या वक्तव्यावर अनुपम खेर आणि परेश रावल यांसारख्या बड्या अभिनेत्यांनी टीका केली होती. अनेक दिवस हे प्रकरण तापले होतं.

अमीरच्या कुत्र्यांचं नाव 'शाहरुख'

आमिर खानने आपल्या कुत्र्याचे नाव 'शाहरुख' ठेवले आहे. हे जेव्हा कळालं त्यानंतर यावर बराचं वाद झाला. हा वाद इतका वाढला की त्यानंतर आमिरला सोशल मीडियावर स्पष्टीकरण द्यावं लागलं होतं. यानंतरच शाहरुख आणि आमिरमधील शीतयुद्ध वाढलं होतं.

अमिताभ बच्चन यांच्यावर वक्तव्य

2005 मध्ये प्रदर्शित झालेल्या अमिताभ बच्चन आणि राणी मुखर्जी स्टारर चित्रपट 'ब्लॅक' बाबत आमिर खानने अतिशय वादग्रस्त विधान केले होते. अमिताभ बच्चन यांची भूमिका डोक्यावरून गेल्याचं वक्तव्य आमिरनं केलं. या विधानामुळे त्यांच्यावर चांगलीच टीका झाली होती, त्याचवेळी प्रसारमाध्यमांमध्ये अमिताभ बच्चन आणि आमीरच्या मतभेदाच्या बातम्या आल्या होत्या.

मुलीसोबतच्या फोटोवर ट्रोल

आमिरने त्याची मुलगी इरा खानसोबतचा एक फोटो सोशल मीडियावर शेअर केला होता. अनेक यूजर्सनी या फोटोवर अश्लील कमेंट केली होती. फोटोमध्ये इरा पापा आमिरच्या वर बसून मस्ती करताना दिसली. या फोटोवर जबरदस्त ट्रोलिग झालं होत. त्याच्या या फोटोवर लोकांनी अश्लील कमेंटही केल्या होत्या.

भावाशी भांडण

आमिर खानचा भाऊ फैसल खान याने आमिर खानवर पैशाच्या व्यवहारावरून अपमान आणि मारहाण केल्याचा आरोप केला होता. माझी ही परिस्थिती आमिर खानमुळे झाली आहे असंही त्यांन सांगितलं होतं.