मुंबई - बॉलिवूडमध्ये आपल्या स्टईल आणि हटके अंदाजामुळे  प्रेक्षकांच्या मनावर अधिराज्य गाजवणारा कलाकार म्हणजे संजय दत्त. संजयच्या बोलण्याच्या, चालण्याच्या स्टाईलला अनेक जण कॉपी करतात. त्याचा चाहता वर्ग मोठा आहे. संजयला त्याच्या चाहते 'बाबा' किंवा 'संजू' या नावाने संबोधतात. नुकतेच  कोरोनाची लस घेऊन त्याच्या चाहत्यांना लस घेण्याबाबत प्रेरित केले आहे. लस घेतानाचे फोटो संजयने सोशल मिडीयावर शेअर केले आहेत. 

संजय दतने लस घेतानाचे फोटो शेअर करून कॅप्शन लिहीले,'बीकेसी वॅक्सिन सेंटरमध्ये आज मी कोव्हिड-19 वॅक्सिनचा पहिला डोस घेतला. मी डॉक्टर डेरे आणि त्यांच्या पुर्ण टीमचे एवढे चांगले काम करण्यासाठी अभिनंदन करतो. मला त्याच्या मेहनती विषयी प्रेम आणि सन्मान वाटतो.जय हिंद!'.

संजय दत्तचे हे ट्विट सध्या सोशल मिडीयावर व्हायरल होत आहे. त्याच्या चाहत्यांनी या ट्विटला रिप्लाय देऊन वॅक्सिन घेतानाचा फोटो शेअर करत लिहीले, ' मी पण घेतले वॅक्सिन'. तर एका चाहत्याने लिहीले,'दौड़ेगा भागेगा, बाबा वैक्सीन के लिए कुछ भी करेगा'.

हे वाचा - आमिर खानला कोरोना; दोन दिवसांपूर्वीच मुख्यमंत्र्यांसोबत कार्यक्रमात होता हजर

1981 साली 'रॉकी' चित्रपटातून संजय दत्तने अभिनय क्षेत्रात पदार्पण केले. त्यानंतर तेजा,वास्तव, खलनायक, लगे रहो मुन्ना भाई, मुन्ना भाई एम बी बी एस या हिट चित्रपटांमधून संजय प्रेक्षकांच्या भेटीस आला. 'संजू' चित्रपट हा संजय दत्तच्या जीवनावर आधारीत चित्रपट  2018 साली प्रदर्शित झाला.