मुंबई - सध्या विकी कौशल आणि कॅटरिना दोघेही चर्चेत आहे. त्याचे कारण म्हणजे पुढील महिन्यात त्याचा पार पडणारा विवाहसोहळा. दोघेही बॉलीवूडमधील मोठे सेलिब्रेटी आहेत. गेल्या काही महिन्यांपासून त्या दोघांच्या अफेयरची चर्चा रंगली होती. ते लग्न करणार असल्याचे सोशल मीडियावर चर्चिले जाऊ लागले. त्यानंतर त्या दोन्ही सेलिब्रेटींनी आपल्या लग्नाविषय़ी प्रतिक्रिया दिली आहे. दुसरीकडे आपल्या सरदार उधमसाठी अनेक ठिकाणी मुलाखती दिल्या आहेत. त्या दरम्यान त्यानं वेगवेगळ्या प्रकारचे खुलासेही केले आहेत. असाच एक खुलासा हा उरी या चित्रपटाच्या वेळचा आहे. त्यामध्ये त्यानं आपल्याला त्या चित्रपटाच्यावेळी आलेल्या अनुभवाविषयी सांगितलं आहे.

विकी कौशलला उरी या चित्रपटानं मोठ्या प्रमाणात लोकप्रियता मिळवून दिली होती. तो त्याच्या अभिनयासाठी ओळखला जाणारा अभिनेता असला तरी त्याच्या आतापर्यतच्या लोकप्रियतेत उरीचा वाटा मोठा आहे. उरीनं त्याला लोकप्रियतेच्या शिखरावर नेलं. त्याची चर्चा मोठ्या प्रमाणात तेव्हाही होती. आणि आजही आहे. त्यासाठी त्याला राष्ट्रीय पुरस्कारानं गौरविण्यातही आले होते. उरी द सर्जिकल स्ट्राईक मध्ये विकी कौशलनं मेजर विहान शेरगीलची भूमिका केली होती. विकी कौशलचा चाहतावर्ग मोठा आहे. या गेल्या महिन्यात त्याच्या सरदार उधमलाही चाहत्यांचा मोठा प्रतिसाद मिळाल्याचे दिसुन आले आहे.

विकीनं एका मुलाखतीमध्ये सांगितलं की, मला उरी हा चित्रपट करायचचा नव्हता. मात्र जेव्हा त्याच्याबद्दल मी ऐकलं तेव्हा आपल्याला ही संधी सोडायची नाही यावर ठाम असण्यापर्यत तो गेला होता. विकीनं सांगितलं की, मला उरीची कथा सुरुवातीला निराशाजनक वाटली होती. मात्र त्यातील बारकाव्यांचा मी जेव्हा विचार केला तेव्हा हा चित्रपट आपण सोडणार नाही. असं त्यानं ठरवलं. शेवटी उरीमध्ये त्यानं मुख्य भूमिका करुन चाहत्यांची वाहवा मिळवली होती. हा चित्रपट प्रचंड लोकप्रिय झाला होता. त्यानं बॉक्स ऑफिसवर मोठी कमाईही केली होती. सुरुवातीच्या काळात आपण त्या चित्रपटाशी कनेक्टच होत नव्हतो. अशीही भावना विकीनं व्यक्त केली होती.