मुंबई - बॉलीवूडची प्रसिद्ध अभिनेत्री नोरा फतेही (Nora Fatehi) ही तिच्या हटकेपणासाठी कायमच चर्चेत असते. तिचा सोशल मीडियावरही चांगलाच बोलबाला आहे. आपल्या हॉटनेससाठी नोरानं चाहत्यांची पसंती मिळवली आहे. नोरा तिच्या डान्ससाठी तर प्रसिद्ध आहेच. याशिवाय तिनं गेल्या वर्षभरात जे चित्रपट प्रदर्शित झाले त्यात अभिनयही केला आहे. त्याला प्रेक्षकांचा प्रतिसाद मिळाला आहे. आता नोरा चर्चेत आली आहे. ते एका फोटोवरुन. तिचा आणि प्रख्यात गायक गुरु रंधावा (Guru Randhawa) यांचा फोटो व्हायरल झाला आहे. त्यामुळे चाहत्यांनी वेगवेगळ्या प्रकारच्या प्रतिक्रियाही दिल्या आहेत.

नोरा आणि गुरुचा एका समुद्रकिनाऱ्यावरचा फोटो व्हाय़रल झाला आहे. त्यामुळे चाहत्यांनी नोराला तिच्या रिलेशनशिपवरुन काही प्रश्न विचारले आहेत. गुरु आणि नोरा प्रेमात तर पडले नाहीत ना, अशी शंका त्यांना आली आहे. गोव्यातील एका समुद्रकिनाऱ्यावरील त्या फोटोनं चाहत्यांचे लक्ष वेधून घेतले आहे. बऱ्याच काळानंतर ब्रम्हास्त्र नावाच्या चित्रपटाचा पोस्टर सोशल मीडियावर व्हायरल झाला आहे. करण जोहरनं त्याच्या सोशल मीडियाच्या अकाउंटवरुन रणबीर कपूर अभिनित असलेल्या शिवाचा फर्स्ट लूक प्रसिद्ध केला आहे. त्यानुसार ब्रम्हास्त्रचा लूक लवकरच प्रेक्षकांसमोर येणार आहे.

नोरा आणि गुरु रंधावाच्या या फोटोनं चाहत्यांना प्रतिक्रिया देण्यास प्रवृत्त केलं आहे. गेल्या काही वर्षांपासून नोरानं आपल्या वेगळेपणानं बॉलीवूडमध्ये स्वताचं स्थान निर्माण केलं आहे. आजच्या घडीला बॉलीवूडमधील टॉपची डान्सर म्हणूनही नोराच्या नावाचा उल्लेख करावा लागेल.