Madhuri dixit new car: बॉलीवुड मधील एक दिग्गज अभिनेत्री म्हणजे माधुरी दीक्षित. बॉलीवुडमधला मराठी आवज म्हणूनही त्यांच्याकडे पाहिलं जातं. एक काळ असा होता की माधुरी दीक्षित साठी चाहते वेडे होते. आजही ती क्रेझ कमी झालेली नाही.

माधुरी हे भारतीय चित्रपटसृष्टीतील असं नाव आहे, जिचे सौंदर्य, स्टाईल, अभिनय आणि नृत्य आजही वाखाणले जाते. जवळपास 40 वर्षांच्या कारकिर्दीत माधुरीने 70 हून अधिक चित्रपटांमध्ये काम केले आहे.

आजही माधुरी दीक्षित हे नाव चर्चेत आहे. कधी रियालिटी शोच्या जज म्हणून तर कधी एखाद्या वेब सिरिज मधून त्या आपल्याला भेटत असतात. आज आज चर्चा आहे ती त्यांच्या नव्या गाडीची..

(Bollywood Actress Madhuri Dixit Nene buy New Porsche 911 Turbo S car Worth Rs 3.08 Crores)

नखरेल अदांनी चाहत्यांना भुरळ पाडणाऱ्या धक धक गर्ल माधुरी दीक्षित यांनी नवी कोरी सुपर कार खरेदी केली आहे. त्यांनी एक आलीशान गाडी स्वतःला भेट म्हणून दिली आहे. पोर्शे ९११ टर्बो एस असे या गाडीचे नाव आहे.

नुकतेच माधुरी दीक्षित व तिचा पती डॉ. नेने यांना या गाडीतून फिरताना स्पॉट करण्यात आले आहे. माधुरीने खरेदी केलेल्या पोर्शे या स्पोर्ट कारची किंमत तब्बल ३.८ कोटींच्या आसपास आहे. पोर्शे ही सगळ्यात जलद गतीने धावणाऱ्या गाड्यांपैकी एक आहे.

या गाडीचा रंग सिल्व्हर आहे. वेग प्रतितास ३३० किलोमीटर इतका आहे. या कारमध्ये ३.८ लिटरचे सहा पेट्रोल इंजिन सिलेंडर आहेत. ज्यामध्ये ६४१ बीएचपी पावर निर्माण करण्याची क्षमता आहे. २.६ सेकंदात ही कार १०० किलोमीटरचा वेग पकडते. बॉलीवूडमधील ही सुप्रसिद्ध अभिनेत्री माधुरी दीक्षित पन्नाशीतही प्रेक्षकांच्या काळजाचा ठोका चुकवत आहे.