दिल्ली सामुहिक बलात्कार प्रकरणी आज चार दोषींना फाशी झाली. सात वर्षांनी का होईना निर्भयाला न्याय मिळाला. दिल्लीतील तिहार कारागृहात या तिघांना आज पहाटे साडेपाचच्या सुमारास फाशी देण्यात आली. त्यामुळे सात वर्षं न्याय मिळवण्यासाठी सुरू असलेला संघर्षाला आज यश मिळालं. यावर देशभरातून प्रतिक्रिया उमटत असतानाच सेलिब्रेटींनीही या फाशीवर व निर्भयाला मिळालेल्या न्यायावर समाधान व्यक्त केलंय. निर्भयाच्या दोषींनी काढलेल्या पळवाटांवरून बॉलिवूडमध्ये संतापाची लाट उसळली होती. पण आज फशीची शिक्षा मिळाल्याने बॉलिवूड कलाकारही समाधानी आहेत, सोशल मीाडियाच्या माध्यमातून या सगळ्या सेलेब्सने भावना व्यक्त केल्या आहेत. 

- आता बातम्या ऐकण्यासाठी डाऊनलोड करा ई-सकाळचे ऍप 

बॉलिवूडमधील काही कलाकार नेहमीचस सामाजिक प्रश्नांवर भाष्य करतात, आवाज उठवतात, आंदोलनात सहभागी होतात, तसेच आपली मतं सोशल मीडियातून व्यक्त करतात. रितेश देशमुख, सुष्मिता सेन, तापसी पन्नू, रितेश देशमुख, प्रिती झिंटा, कुणाल कोहली यांनीही ट्विटरवरून निर्भयाला मिळालेल्या न्यायाबाबत प्रतिक्रिया व्यक्त केली आहे. 

निर्भयाला न्याय मिळाला, मी निर्भयाच्या कुटूंबासोबत आहे. आता तरी असे राक्षसी वागणाऱ्यांना जरब बसेल, असं रितेश म्हणतो. 

निर्भयाच्या आरोपींनी सगळ्या बाजूने पळवाटा शोधूनही त्यांना आज अखेर फासावर लटकवले गेले, त्यामुळे देशात आनंदाचे वातावरण आहे.