CRAKK Teaser News: गेल्या काही दिवसांपासून विद्युत जामवालच्या क्रॅक सिनेमाची सर्वांना उत्सुकता आहे. विद्युत या सिनेमाच्या माध्यमातून पुन्हा एकदा अ‍ॅक्शन करताना दिसणार आहे.

अशातच विद्युतच्या 'क्रॅक' सिनेमाचा चित्तथरारक टीझर प्रेक्षकांच्या भेटीला आलाय. या सिनेमाचा टीझर पाहून लोकांनी टीझरला पसंती दर्शवली आहे.

क्रॅक सिनेमातून दिसणार तगडी अ‍ॅक्शन

क्रॅक हा अ‍ॅक्शन सर्व्हायव्हल थ्रिलर आहे, जो भारतीय चित्रपटसृष्टीतील एक अनोखा आणि महत्वाचा सिनेमा ठरण्याची शक्यता आहे. सिनेमाच्या टीझरमध्ये खतरनाक अॅक्शन सीक्वेन्स पाहायला मिळतात. मोठ्या किल्ल्यावरुन खाली उडी मारणं, चालत्या ट्रेनसोबत धावणं अशा अनेक गोष्टी पाहायला मिळत आहेत.

अॅक्शन स्टार विद्युत जामवालसोबत सिनेमात नोरा फतेही, अर्जुन रामपाल आणि एमी जॅक्सन यांची खास भूमिका पाहायला मिळतेय.

क्रॅकचा टीझर पाहून हा सिनेमा युथला आवडणार यात शंका नाही. सिनेमाचे दमदार अ‍ॅक्शन सीन पाहून काळजाचा ठोका चुकतो.

'कमांडो 3' नंतर विद्युत आणि दिग्दर्शक आदित्य दत्त ही डायनॅमिक जोडी 'क्रॅक' निमित्ताने पुन्हा कमबॅक करत आहे. क्रॅकचे टायटल ट्रॅक टीझर आकर्षक होण्यास चांगलीच मदत करतोय.

विद्युत जामवाल आणि अॅक्शन हिरो फिल्म्स निर्मित आणि आदित्य दत्त दिग्दर्शित 'क्रॅक' 23 फेब्रुवारी 2024 रोजी थिएटरमध्ये दाखल होणार आहे.