बॉलिवूड मधील गंभीर भूमिका करत आपल्या अभिनयाची छाप सोडणारे नवाजुद्दीन सिद्दीकी त्याच्या आगामी चित्रपटामूळं चर्चेत आहे. या चित्रपटात तो वेगळ्याच भूमिकेत दिसणार आहे. त्या चित्रपटीचं नावं आहे 'हड्डी'... या चित्रपटाचं पोस्टर समोर आलं तेव्हापासून त्याच्या लूकची चर्चा झाली होती.

आता त्याचा पुरुषापासून स्त्री बनण्याचा एक व्हिडीओ समोर आला आहे. झी स्टुडिओने शेअर केलेल्या व्हिडिओमध्ये नवाजुद्दीनचे संपूर्ण ट्रांसफॉर्मेशन दाखवण्यात आलं आहे.

यासाठी त्यांना 3 तासांपेक्षा जास्त वेळ लागलायं. मेकअप रूममध्ये रेकॉर्ड करण्यात आलेल्या व्हिडिओमध्ये नवाज खुर्चीवर बसून आरशाकडे पाहत असताना मेकअप आर्टिस्ट त्याचा मेकओव्हर करत असल्याचं दिसतय.

आधी तो त्याच्या चेहऱ्याचा मेकअप करतो त्यातच त्याला पूर्ण एक तास लागतो. मग त्यांच्या केसांवर काम करत विग घालतो .त्यातही दीड ते दोन तास लागतात. इतक्या मेहनतीनंतर तो त्याच्या पात्रासाठी तयार होतो.

हेही वाचा: इच्छापत्र करायचंय...मग या गोष्टी नक्कीच माहिती हव्यात....

मात्र लोकांनी नवाजुद्दीन प्रशंसा तर केलीच मात्र त्याची तुलना अर्चनासोबत केली

आता हा व्हिडिओ समोर आल्यानंतर लोकांच्या वेगवेगळ्या गमतीदार प्रतिक्रिया येऊ लागल्या. त्यातच अर्चना पूरण सिंगच्या नावाचाही उल्लेख आहे.

एकाने लिहिले, "नवाद हुबेहूब अर्चना पूरण सिंह सारखा दिसत आहे". एका यूजरने म्हटलायं, "डायरेक्ट अर्चना पूरण सिंगलाच घेऊन गेले असते तर मेकअपचा खर्च वाचला असता." त्याचवेळी काहींनी नवाजसोबतच त्याच्या मेकअप आर्टिस्टचेही कौतुक केले. एकाने लिहिले - "नवाजुद्दीन ते अर्चना अवघ्या 3 तासात, टाळ्या."