Uorfi Javed Demon Look: उर्फी जावेदने अन् तिची फॅशन हे समीकरण सर्वांना माहीतच आहे. ती अशी काही फॅशन करते जी नेटकऱ्यांच्या विचारा पलिकडे असते. मनोरंजन विश्वात उर्फीची वेगळीच ओळख आहे. अनेक कारणांसाठी ती चर्चेत राहते. तिची फॅशनच तिला लाईमलाईटचा भाग बनवते. बऱ्याचदा अतरंगी फॅशनमुळे असणाऱ्या उर्फीनं तर आता कहरच केला आहे. आता तिच्या अलीकडच्या लूकने तिच्या चाहत्यांना धक्काच बसला आहे.

उर्फी जावेदने तिच्या इंस्टाग्रामवर एक व्हिडिओ शेअर केला आहे ज्यामध्ये ती एका काळ्या रंगाच्या ड्रेसमध्ये दिसत आहे. ज्यात तिचा ड्रेस, सोन्याचे दागिने, ब्लॅक लिप लाइनर आणि हॉरर मेकअप तिने केला आहे. यात उर्फी एका सैतानसारखी दिसते.

हा व्हिडिओ पोस्ट करत उर्फीने लिहिले - 'माझ्या आत असलेल्या सैतानला बाहेर काढण्याची कल्पना.'

यात उर्फी सर्वात भयानक आणि वेगळ्या लूकमध्ये दिसत आहे. तिने ब्रॅलेटशिवाय ब्लेझर आणि पँट घातली आहे. उर्फीने सोन्याच्या दागिन्यांसह तिचा लूक पूर्ण केला तर तिच्या हेअरस्टाईलनं सर्वांचे लक्ष वेधले आहे. उर्फीचा हा लूक पाहून चाहतेही हैराण झाले आहेत. या व्हिडिओला उर्फीनं अप्सरा आली हे गाणं लावलं आहे.

तर दुसरीकडे तिचा हा व्हिडिओ सोशल मीडियावर तुफान व्हायरल झाला आहे. नेहमीप्रमाणे नेटकऱ्यांनी तिला ट्रोल केलं आहे. एकानं लिहिलयं की, 'तू खुप वाईट चेटकिण दिसत आहे'. तर दुसऱ्याने लिहिले आहे की, 'हे पाहिल्यानंतर माझा अप्सरावर विश्वास उडाला आहे.' तर काहीजण व्हिडिओच्या कमेंटमध्ये हनुमान चालिसाचे पठण करतानाही दिसले. एकाने लिहिले की, 'आता मी रात्री झोपू शकणार नाही.'