मुंबई : हाय प्रोफाईल (High profile) असण्याची किंमत बॉलीवूड (bollywood) चुकवत असल्याचं विधान प्रसिध्द कवी,लेखक जावेद अख्तर (javed Akhtar) यांनी केले आहे. अब्जावधी रुपये किमतीचे कोकेन सापडल्याची हेडलाईन होत नाही. मात्र काही लाख रुपयाच्या गांजा सापडल्याचा गवगवा सर्वत्र सुरु असल्याची टिका अख्तर (Drug statement) यांनी केली. क्रूजवरील पार्टीत ड्रग्ज (cruise drug party) घेतल्या प्रकरणी सुपरस्टार शाहरुख खान (shahrukh khan) यांचा मुलगा आर्यन खान (Aryan Khan) याला अटक झाली, या पार्श्वभूमीवर अख्तर यांनी हे विधान केले आहे. पुस्तक प्रकाशन सोहळ्यात ते बोलत होते.

आर्यन खानचे नाव न घेता जावेद अख्तर यांनी गुजरातमधील मुंद्रा बंदरात जप्त केलेल्या 1 अब्ज डॉलर किमतीच्या कोकेनकडे लक्ष्य वेधलं, एवढ्या मोठ्या घटनेची हेडलाईन मला कुठे दिसली नाही. मात्र काही लाख रुपये किमतीच्या गांजाची बातमी मात्र सर्वत्र रंगली आहे, असही अख्तर म्हणाले. सध्याच्या कारवाया बघता बॉलीवूडला लक्ष्य केलं जात आहे का? या प्रश्नावर ते म्हणाले की शेवटी लोक हाय-प्रोफाईल व्यक्तींना टार्गेट करतात, त्यांना खाली खेचण्याचा प्रयत्न होतो, विनोद केले जातात. सामान्य माणसावर दगड फेकण्याचा वेळ कुणाकडे असतो का ? असा सवालही अख्तर यांनी उपस्थित केला.