Sridevi Death Anniversary: आज प्रसिद्ध अभिनेत्री श्रीदेवीची पुण्यतिथी. प्रत्येक भारतीयाला श्रीदेवी सोबत एक वेगळा कनेक्ट जाणवतो. त्याच नात्याने सगळेजण श्रीदेवीला प्रेमाने एकेरी नावानेच हाक मारतात.

सर्व काही छान सुरु असताना श्रीदेवीची अचानक झालेली एक्झिट चटका लावून गेली. आजही श्रीदेवीच्या निधनाचं दुःख कमी झालं नाही. अशातच श्रीदेवीचे पती आणि प्रसिद्ध निर्माते - दिग्दर्शक बोनी कपूर यांनी श्रीदेवीचा शेवटचा फोटो पोस्ट केलाय.

(Boney Kapoor shared Sridevi's last photo)

श्रीदेवीचे २४ फेब्रुवारी 2018 मध्ये दुबईत निधन झाले. त्यावेळी श्रीदेवी एका कौटुंबिक लग्नात सहभागी झाली होती. फोटोमध्ये बोनी कपूर, श्रीदेवी आणि त्यांची धाकटी मुलगी खुशी कपूर दिसतेय. बोनी कपूरची बहीण रीना कपूरही या फोटोत दिसतेय.

श्रीदेवी या फोटोत प्रचंड खुश दिसतेय. लग्नसोहळ्यात सहभागी झाल्याने श्रीदेवी सर्वांसोबत आनंदी दिसतेय. या क्षणांनंतर काही तासातच श्रीदेवीने जगाचा निरोप घेतला. बोनी कपूर यांनी कॅप्शनमध्ये, “शेवटचा फोटो…” एवढंच लिहिलं आहे.

याशिवाय काही दिवसांपूर्वी बोनी कपूर यांनी दिवंगत पत्नी श्रीदेवीच्या स्मरणार्थ एक हृदयस्पर्शी पोस्ट शेअर केली.

श्रीदेवीचा एक खास फोटो शेयर करून त्यांनी लिहिलंय कि, "तु आम्हाला 5 वर्षांपूर्वी सोडून गेलीस... तुझे प्रेम आणि आठवणी कायम आमच्यासोबत राहतील..." अशा शब्दात भावुक होऊन बोनी कपूर यांनी श्रीदेवीची आठवण जागवली आहे.

श्रीदेवीची मुलगी आणि अभिनेत्री जान्हवी कपूर सुद्धा श्रीदेवीच्या आठवणीत भावुक झालेली दिसली.

“मम्मा अजूनही मी तुला सर्वत्र शोधत आहे, तरीही तुला माझा अभिमान वाटेल या आशेने मी काम करत असते. मी कुठेही जाते, आणि मी जे काही करते - ते तुझ्यापासून सुरू होऊन तुझ्यापाशीच संपते." अशा शब्दात जान्हवीने श्रीदेवीची आठवण जागवली आहे.

एकूणच संपूर्ण कपूर कुटुंब श्रीदेवीच्या स्मरणार्थ प्रचंड दुःखी झालेले दिसत आहे. बॉलिवूडच्या अनेक सेलिब्रिटींनी आणि सामान्य नागरिकांनी सुद्धा श्रीदेवीच्या पुण्यतिथी निमित्त तिच्या सुंदर आठवणींचं स्मरण केलंय.