Boyz 4 Marathi Movie News: मराठी मनोरंजन विश्वात असे सिनेमे आहेत ज्यांचे सिक्वेल प्रेक्षकांना तुफान आवडले. आधीच्या सिनेमांपेक्षाही या सिनेमांचे सिक्वेल प्रेक्षकांना प्रचंड आवडले. दगडी चाळ, टाईमपास, दे धक्का या सुपरहिट मराठी सिनेमांचे सिक्वेल आधीपेक्षा लोकप्रिय झाले.

अशाच एका गाजलेल्या फ्रॅंचायझीचा सिक्वेल प्रेक्षकांच्या भेटीला येणार आहे. हा सिनेमा म्हणजे बॉईज 4. आणि विशेष गोष्ट म्हणजे हास्यजत्रा फेम गौरव मोरे आणि ओंकार भोजने या सिनेमाच्या निमित्ताने पहिल्यांदा एकत्र काम करणार आहेत.

बॉईज 4 सिनेमाची घोषणा

बॉईज 4 सिनेमाची नुकतीच घोषणा करण्यात आलीय. 'बॉईज'च्या तिन्ही चित्रपटांनी बॉक्स ऑफिसवर चांगलाच धुमाकूळ घालता होता. आता यंदाच्या वर्षी बॉईज 4 च्या माध्यमातुन धैर्या, ढुंग्या आणि कबीर काय धमाका करणार आहेत, हे पाहण्याची सर्वांनाच आता उत्सुकता लागली आहे.

विशेष गोष्ट म्हणजे याही सिनेमात नरू भोंडवेच्या भुमिकेत ओंकार भोजने झळकणार आहे. आणि यावेळी ओंकार भोजने सोबत गौरव मोरे दिसणार अशी चर्चा आहे. गौरव मोरेने नवीन सिनेमा अशी पोस्ट करुन बॉईज 4 ची घोषणा केलीय. वैशिष्टय म्हणजे मराठी सिनेसृष्टीतील हा एकमेव चित्रपट आहे, ज्याचे चार भाग आले आहेत. याशिवाय हास्यजत्रा फेम निखील बने आणि अभिनेता अभिनय बेर्डे बॉईज 4 मध्ये काम करणार आहेत.

कधी होणार बॉईज 4 रिलीज?

मराठी चित्रपटांच्या इतिहासातील सुपरहिट ब्लॉकबस्टर 'बॉईज'च्या सिरीजने सर्वांचे भरभरून मनोरंजन केले आहे. 'बॉईज ३'च्या भरघोस यशानंतर आता 'बॉईज ४' धमाका करायला येत आहेत. नुकतेच 'बॉईज ४'चे पोस्टर सोशल मीडियावर झळकले असून 'आपण येणार तर धमाका होणार' अशी टॅगलाईन पोस्टरसाठी वापरण्यात आलीय.

'बॉईज ४' येत्या २० ऑक्टोबरला सर्वांच्या भेटीला येत आहेत. सुप्रीम मोशन पिक्चर्स प्रा. लि प्रोडक्शन अंतर्गत एव्हरेस्ट एंटरटेनमेंटसह अवधूत गुप्ते प्रस्तुत 'बॉईज ४' चे दिग्दर्शन विशाल सखाराम देवरुखकर यांनी केले आहे. लालासाहेब शिंदे, राजेंद्र शिंदे, संजय छाब्रिया हे निर्माते आहेत तर ऋषिकेश कोळी यांनी चित्रपटाचे लेखन केले आहे.