Tushar Deval Video News: सर्वत्र दिवाळी उत्साहात साजरी केली आहे आहे. कुठे सुंदर रांगोळी काढून, कुठे फटाके फोडून, कुठे फराळ खाऊन प्रत्येकजण आपापल्या परीने दिवाळीचा आनंद घेत आहे. काल सगळीकडे लक्ष्मीपूजन करण्यात आलं. अनेकांनी लक्ष्मीमातेची पूजा करून भरभराटीची प्रार्थना केली असणार.

अशातच एका मराठी कलाकाराचा व्हिडिओ व्हायरल झालाय. हा मराठी कलाकार म्हणजे तुषार देवल. तुषारने लक्ष्मीपूजनाच्या दिवशी त्याच्या बायकोची सुद्धा पूजा केलीय. सध्या सोशल मीडियावर या व्हिडिओची चांगलीच चर्चा आहे.

तुषारने सोशल मीडियावर एक व्हिडिओ शेयर केलाय. या व्हिडिओत तुषारची बायको स्वाती सुद्धा दिसतेय. व्हिडिओत तुषार सुरुवातीला लक्ष्मीमातेची पूजा करतो. नंतर तो त्याच्या बायकोला ओवाळतो. स्वाती सुद्धा देवीच्या रूपात खुर्चीवर बसलेली दिसते. तुषार तिला ओवाळतो आणि तिच्या पाया पडून नमस्कार करतो.

तुषारचा हा व्हिडिओ सध्या चांगलाच व्हायरल होतोय. लक्ष्मीचं पूजन झाल्यावर गृहलक्ष्मीचं पूजन करणेही आवश्यक असं कॅप्शन देत तुषारने हा व्हिडिओ सर्वांसोबत शेयर केलाय. अनेकांनी तुषार आणि स्वातीच्या या व्हिडिओचं कौतुक केलंय. तुषार चला हवा येऊ द्या शो मध्ये संगीताची धुरा सांभाळतो. स्वाती सुद्धा अभिनेत्री असून ती शेवटी माझी तुझी रेशीमगाठ मालिकेत झळकली.