Subi Suresh Passes Away: कॉमेडियन आणि टीव्ही होस्ट सुबी सुरेश हिचं वयाच्या अवघ्या 41 वर्षी निधन झालं. मिळालेल्या माहिती नुसार ती यकृताशी संबंधित आजाराने ग्रस्त होती. तिच्यावर उपचार सुरु होते. आज म्हणजेच २२ फेब्रुवारी रोजी सकाळी कोची येथील एका खासगी रुग्णालयात सुबीनं अखेरचा श्वास घेतला.

सुबी सुरेशने आपल्या करिअरची सुरुवात डान्सर म्हणून केली होती. त्यानंतर ती स्टेज शोमध्ये कॉमेडी करू लागली. तिच्या एव्हरग्रीन कॉमेडी शोमधील तिच्या विनोदी पात्रांसाठी सुबी सुरेश ही लोकप्रिय होती. तिच्या विनोदी शैलीमुळं ती घराघरात प्रसिद्ध झाली. कॉमेडी शो बरोबरच ती चित्रपट आणि टीव्ही शोमध्ये सक्रिय झाली आहे. शेवटी ती 'कुट्टी पट्टलम' या शो मध्ये दिसली होती. तिने 'गृहनाथन', 'Thaksara Lahala ', 'एलसम्मा एन्ना आंकू...' यांसारख्या अनेक लोकप्रिय चित्रपटांमध्येही काम केले.

साऊथ फिल्म इंडस्ट्री कोणाची नजर लागल्याचं सर्वत्र बोललं जात आहे . गेल्या काही दिवसांपासून एकामागून एक अनेक सेलेब्सच्या आकस्मिक मृत्यूने सर्वांचे मन हेलावले आहे. आता मल्याळम इंडस्ट्रीतील लोकप्रिय कॉमेडियन आणि टीव्ही होस्ट सुबी सुरेश यांचे निधन झाल्याने सर्वत्र शोक व्यक्त करण्यात येत आहे.