Sukesh Chandrashekhar On Jacqueline Fernandez: महाठग सुकेश चंद्रशेखर हा २०० कोटी रुपयांच्या मनी लाँड्रिंग प्रकरणात दिल्ली तुरुंगात बंद आहे. सुकेशवर अनेक आरोप आहेत आणि त्याच्यावर केसही सुरु आहे. मात्र सुकेश तुरुंगातही शांत बसण्याच नाव घेत नाही असं काहीस चित्र आहे. तो काही ना काही असं करतो की त्याची चर्चा रंगते.

सुकेश चंद्रशेखरने जॅकलीन फर्नांडिसला प्रेम पत्र लिहिले आहे. ही काही त्याची पत्र लिहिण्याची पहिली वेळ नाही. याआधीही त्याने दोनवेळा तिला पत्र पाठवले आहे.

पुन्हा एकदा सुकेशने जॅकलिनला पत्र लिहिलयं आणि या पत्राच्या माध्यामातुन इस्टरसाठी शुभेच्छा दिल्या आहेत. सुकेशने पत्रात जॅकलीनचे सुंदर पद्धतिने वर्णन देखील केले आहे.

सुकेशकडून आलेल्या या पत्रात जॅकलिनवर खूप प्रेमाचा वर्षाव करण्यात आला आहे. पत्रात लिहिले आहे, “जॅकलिन माय बेबी, माय बोम्मा. बाळा मी तुला ईस्टरच्या शुभेच्छा देतो. हा तुमचा सर्वात आवडता सण आहे. आणि ईस्टर एग्सबद्दल तुझे प्रेम. मला तुमच्याबरोबर त्यांचीही आठवण येते."

पुढे लिहिले आहे की, “तुझ्यात असलेल्या त्या लहान मुलाला पाहण्यापासून मी रोखू शकत नाही जो अंडी फोडतो आणि त्यात कँडी ओततो…

तुला काही कल्पना आहे की तु किती गोड आणि सुंदर आहेस. या पृथ्वीवर तुझ्यापेक्षा सुंदर कोणीही नाही…माझ्या बाळा, मी तुझ्यावर प्रेम करतो.

त्याने या पत्रात जॅकलिनला आश्वासन दिलं आहे की ही वेळही निघून जाईल आणि सगळे पहातच राहतील. यासोबतच त्याने जॅकलिनला या पत्रात अनेक वचनही दिले आहेत.

त्याबरोबर प्रत्येक क्षणी तो जॅकलिनची आठवण काढतो असंही म्हटलं आहे. इतकंच नाही तर सुकेश म्हणाला की, 'मला माहीत आहे की, तुलाही प्रत्येक क्षणी माझी आठवण येते.'

त्याबरोबर सुकेशने पुढे म्हटलयं की पुढचा इस्टर असा असेल की पूर्वी तिने तो कधीच साजरा केला नसेल. यासाठी तो सर्वतोपरी प्रयत्न करणार असल्याचं त्यांनी लिहिलं आहे.