Crunchyroll Anime Awards 2024 Best Anime : टोकियोमध्ये शनिवारी (2 मार्च) आठवा क्रंचीरोल अ‍ॅनिमे पुरस्कार सोहळा अगदी दिमाखात पार पडला. यावेळी ग्रॅमी पुरस्कार विजेती मेगन स्टॅलिन हिने 'अ‍ॅनिमे ऑफ दि इयर' पुरस्कार सादर केला. यावर्षीचा बेस्ट अ‍ॅनिमे पुरस्कार हा 'जुजुत्सु काईसेन' (सीझन 2) या अ‍ॅनिमेला मिळाला. यासोबतच तब्बल 11 कॅटेगरींमध्ये या सीरीजने पुरस्कार पटकावला आहे. (Anime of the year)

जुजुत्सु काईसेनला बेस्ट डिरेक्टर (शोता गोशोझोनो), बेस्ट अ‍ॅक्शन, बेस्ट कॅरेक्टर डिझाईन, बेस्ट सिनेमॅटोग्राफी, बेस्ट एंडिंग अँड ओपनिंग सीक्वेन्सेस, बेस्ट सपोर्टिंग कॅरेक्टर (सातोरु गोजो) आणि तीन व्हॉइस अ‍ॅक्टर अवॉर्ड मिळाले. (Jujutsu Kaisen Awards)

'वन पीस' अन् डीमन स्लेयर

या सोहळ्यामध्ये One Piece या अ‍ॅनिमेला बेस्ट कंटिन्यूइंग सीरीज हा पुरस्कार मिळाला. यासोबतच बेस्ट मेन कॅरेक्टर हा पुरस्कार देखील वन पीसच्या Monkey D. Luffy ला मिळाला. डीमन स्लेयर, म्हणजेच Kimetsu No Yaiba या अ‍ॅनिमेच्या स्वॉर्डस्मिथ व्हिलेज आर्कला बेस्ट फॅन्टसी, बेस्ट आर्ट डिरेक्शन आणि बेस्ट अ‍ॅनिमेशन हे पुरस्कार मिळाले.

पुरस्कारांची संपूर्ण यादी

• बेस्ट अ‍ॅनिमे साँग - आयडॉल (Oshi no Ko)

• बेस्ट कॉमेडी - स्पाय फॅमिली सीझन 1 कोअर 2 (Spy X Family)

• बेस्ट ड्रामा - अटॅक ऑन टायटन (Attack on Titan)

• बेस्ट फिल्म - सुझुमे (Suzume)

• बेस्ट न्यू सीरीज - चेनसॉ मॅन (Chainsaw Man)

• बेस्ट ओरिजिनल अ‍ॅनिमे - बडी डॅडीज (Buddy Daddies)

• बेस्ट रोमान्स - होरिमिया दि मिसिंग पीसेस (Horimiya)

• बेस्ट स्कोअर - अटॅक ऑन टायटन (Attack on Titan)

• 'मस्ट प्रोटेक्ट अ‍ॅट ऑल कॉस्ट' कॅरेक्टर - आन्या फोर्जर (Anya Forger)

क्रंचीरोल (Crunchyroll) ही अमेरिकेतील सोनी पिक्चर्स आणि जपानमधील अ‍ॅनिप्लेक्स या दोन्ही कंपन्यांमधील एक जॉइंट व्हेंचर आहे. अ‍ॅनिमे कंटेंटसाठी जागतिक स्तरावर एक मोठा प्लॅटफॉर्म असलेलं क्रंचीरोल आता भारतातही भरपूर लोकप्रिय होत आहे. क्रंचीरोलने कित्येक अ‍ॅनिमे सीरीज हिंदीमध्येही लाँच केल्या आहेत.