मुंबई ः अभिनेता सुशांत सिंह राजपूतच्या निधनानंतर हिंदी चित्रपटसृष्टीतील घराणेशाहीचा मुद्दा चर्चिला जात आहे. सोशल मीडियावर करण जोहर, एकता कपूर, आलिया भट, सलमान खान आदी मंडळींना ट्रोल केले जात आहे. सुशांतच्या मृत्यूसाठी बॉलीवूडमधील घराणेशाहीच जबाबदार आहे, असे आरोप इंडस्ट्रीतील काही मंडळींनी केले आहेत.
अभिनेत्री कंगना रानौतने एक व्हिडीओ सोशल मीडियावर शेअर करीत हिंदी चित्रपटसृष्टीतील नेपोटिझमवर हल्ला चढविला आहे. अभिनेता सलमान खानवरदेखील जोरदार टीका करण्यात आली. त्यालाही ट्रोलिगचा सामना करावा लागला. आतापर्यंत त्यावर सलमानने कोणतीही प्रतिक्रिया दिली नाही.
मात्र आता सलमानने आपली प्रतिक्रिया सोशल मीडियावर दिली आहे. सलमानने आपल्या ट्विटमध्ये आपल्या चाहत्यांना आवाहन करताना म्हटले आहे, की हा प्रसंग खूप कठीण आहे आणि अशा कठीण प्रसंगांत सुशांतच्या चाहत्यांच्या मागे खंबीरपणे उभे राहा. त्यांच्या भाषेकडे दुर्लक्ष करा. आज सुशांतच्या चाहत्यांना आणि कुटुंबीयांना साथ देण्याची आवश्यकता आहे. त्यांच्या मागे खंबीरपणे उभे राहा. सलमान खानने अशा प्रकारे ट्विट केल्यामुळे पुन्हा त्याला ट्रोलिंगचा सामना करावा लागला आहे तर सलमानच्या चाहत्यांनी त्याचे कौतुक केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.