मुंबई - हिंदी चित्रपटांसह दाक्षिणात्य चित्रपटांचाही चाहता वर्ग मोठा आहे. दाक्षिणात्य चित्रपटांची , गाण्यांची भाषा समजत नसली तरी त्यातली दृष्ये मनाला भावतात, कथा दृश्यांच्या माध्यमातून प्रेक्षकांपर्यंत पोहोचते तर संगीताच्या तालावर चाहते ठेका धरतात. यात कुठेच भाषेची अडचण येत नाही. गेल्या महिन्याभरात याचा प्रत्यय येणारे दोन व्हिडीओ सोशल मीडियावर प्रचंड व्हायरल झाले आहेत. यात मंगली या गायिकेनं गायलेल्या तेलुगु गाण्याचा आणि एका वृद्धी नावाच्या चिमुकलीचा डान्स करणारा व्हिडीओ आहे. दोघींच्याही व्हिडीओला सोशल मीडियावर प्रचंड लोकप्रियता मिळाली आहे. दाक्षिणात्य चित्रपटातील गाण्यावर ​​चिमुकल्या वृद्धीचा डान्स व्हिडीओ सध्या सोशल मिडीयावर धुमाकूळ घालतोय. 

मंजिल विरिंजा पोवू या सिरीयलधील अभिनेता अखिल आनंदच्या लग्नाच्या रिसेप्शमधला हा व्हिडीओ आहे. वृध्दीने प्रसिध्द अभिनेता अल्लू अर्जुनच्या लोकप्रिय ‘Ravuloo’ या गाण्यावर डान्स केला. वृध्दी अल्लू अर्जूनची चाहती असल्याची चर्चा सध्या सोशल मिडीयावर सुरू आहे.

वृद्धीचा आणखी एक व्हिडीओ व्हायरल होतोय. या व्हिडीओमध्ये ती अभिनेता विजयच्या 'वाथी कमिंग' या  तामिळ गाण्यावर डान्स करत आहे. सोशल मिडीयावर अभिनेता विजय आणि अल्लू अर्जूनच्या डान्स व्हिडिओसोबत वृद्धीच्या डान्सचे व्हिडीओ एडीट करून शेअर केले जात आहेत. वृद्धी या दोघांच्याही डान्स स्टेप्स कॉपी करताना दिसते. क्यूट अशा वृद्धीच्या या डान्सचं कौतुक होत आहे. 

हे वाचा - प्रियांकाच्या नव्या रेस्टॉरंटची खास झलक; पाहा व्हिडीओ

वृद्धी 5 वर्षांची आहे. तिने 'मंजिल विरिंजा पोवू' या सिरीयल मधून अभिनय क्षेत्रात पदार्पण केलं आहे. या सिरीयलमध्ये अनुमोल नावाच्या मुलीची भूमिका वृध्दी करते. सिरीयलसोबतच वृद्धीला चित्रपटांच्याही ऑफर येत असतात. वृद्धीचे सोशल मिडीया अकाउंटवर तिचे फोटो आणि व्हिडीओ तिचे शेअर करतात. वृद्धीचे आई वडिल विशाल कन्नन आणि गायत्री हे प्रोफेशनल डान्सर आहे. या डान्सच्या व्हिडीओमुळे वृध्दीला कमी वयात जास्त लोकप्रिता मिळाली आहे.