Bhau Kadam - Devendra Fadanvis Video Viral: भाऊ कदम हे मराठी मनोरंजन विश्वातील लोकप्रिय अभिनेते. भाऊ कदम यांना आपण चला हवा येऊ द्याच्या माध्यमातून विविध विनोदी भूमिका करताना पाहिलंय.

भाऊ कदम यांनी चला हवा येऊ द्याच नाही तर विविध सिनेमांमधून आणि नाटकांमधून प्रेक्षकांना खळखळून हसवलंय.

भाऊंचे अनेक राजकारणी व्यक्तींशी चांगले संबंध आहेत. अशातच भाऊ कदम यांचा एक व्हिडीओ सोशल मीडियावर व्हायरल होतोय. यात देवेंद्र फडणवीसांनी भाऊंना कडकडून मिठी मारलेली दिसतेय.

आणि फडणवीसांनी भाऊंना मारली मिठी...

भाऊ कदम यांनी त्यांच्या इन्स्टाग्राम स्टोरीवर एक व्हिडीओ शेअर केलाय. यात भाऊंनी एका सोहळ्याला हजेरी लावली आहे. तिथे उपमुख्यमंत्री देवेंद्र फडणवीस आणि आमदार प्रवीण दरेकर दिसत आहेत.

भाऊंना पाहताच फडणवीसांनी अरे भाऊ म्हणत त्यांना मिठी मारली. पुढे त्यांच्यासोबत फडणवीसांनी फोटोशूट केलं. जाताना "काय भाऊ कसे आहात?" म्हणत फडणवीसांनी भाऊंची विचारपूस केली.

भाऊ कदम यांचं वर्कफ्रंट

भाऊ कदम यांच्या वर्कफ्रंटबद्दल सांगायचं झालं तर ते गेली अनेक वर्ष चला हवा येऊ द्या या रिअॅलिटी शोच्या माध्यमातून प्रेक्षकांना खळखळून हसवत आहेत. भाऊ कदम अनेक गाजलेल्या सिनेमांमधील भूमिका चला हवा येऊ द्या मध्ये साकारत असतात.

सध्या भाऊ कदम महाराष्ट्राची हास्यजत्रा फेम ओंकार भोजनेसोबत करुन गेलो गाव या नाटकात अभिनय करत आहेत.