Debina Bonnerjee Ramp Walk: देबिना बॅनर्जी आणि गुरमीत चौधरी हे कपल टिव्ही विश्वातील लोकप्रिय कपल आहे. नेटकऱ्यांना ही दोघांची जोडी खुप आवडते.

सध्या हे कपल त्यांच्या दोन गोंडस मुलींमुळे चर्चेत आले आहेत. आई झाल्यानंतर देबिना जरी मनोरंजन क्षेत्रातून दुर असली तरी सोशल मीडियावर सक्रिय आहे. ती चाहत्यांसोबत फोटो शेयर करत असते.

सध्या सोशल मिडियावर देबिना आणि तिच्या लेकींचा एक व्हिडिओ तुफान व्हायरल होत आहे ज्यात देबिना दोन्ही मुलींसोबत रॅम्प वॉक करताना दिसली.

देबिनाचा तिच्या मुलींसोबतचा व्हिडिओ चांगलाच व्हायरल होत आहे. या व्हिडिओत तिचा पती गुरमीत चौधरीही दिसत आहे. काल बॉम्बे फॅशन वीकसाठी देबिनाने रॅम्प वॉक केला.

देबिनाने हा व्हिडिओ तिच्या सोशल मिडियावर पोस्ट केला आहे. यावेळी आई आणि दोन्ही मुलींनी ट्यूनिंग केली होती. यावेळी देबिनाने मरून आणि केशरी रंगाचा राफेल ड्रेस परिधान केला होता. एवढेच नाही तर तिच्या दोन्ही मुलींनीही मॅचिंग आउटफिट घातले होते

व्हिडिओमध्ये दिसते की, देबिना आपल्या मुलीचा हात धरून स्टेजवर येते. तिने दुसऱ्या लहान मुलीला उचलले दिसत आहे. रॅम्पवर येताच देबिना पहिले गुरमीतकडे गेली, जिथे गुरमीतनेही तिच्यावर आणि दोन्ही मुलींवर प्रेमाचा वर्षाव केला.

यानंतर आणखी काही व्हिडिओत रॅम्प वॉक नंतर देबिनाने आपल्या मुलींसोबत डान्स केला. या व्हायरल व्हिडिओत देबिना आणि तिच्या मुलींवर नेटकरी प्रेमाचा वर्षाव करत आहे. या व्हिडिओवर नेटकऱ्यांनी खूप कमेंट्स केल्या आहेत.

देबिनाने IVF च्या माध्यमातून मुलींना जन्म दिला आहे. तिच्या मोठ्या मुलीचे नाव लियाना आहे, तर लहान मुलीचे नाव दिविशा आहे. देबिना बॅनर्जी सोशल मीडियावर लोकप्रिय आहे. तिचे फॅन फॉलोइंग मजबूत आहे. देबिना तिच्या यूट्यूब ब्लॉगद्वारे चाहत्यांसोबत जोडलेली असते.