मुंबई ः मुंबईत मागील काही दिवसांपासून जोरदार पाऊस होत असताना बॉलीवूडमध्ये विविध सेलिब्रिटीजकडून विजांच्या कडकडाटासारखी अनेक वक्तव्ये बाहेर येत आहेत. एकमेकांवर आरोप- प्रत्यारोप होत असतानाच या गदारोळात काही महत्वाच्या प्रोजेक्ट्ससाठी चर्चा होत आहे. अनेक कलाकारांनी मोठमोठे प्रोजेक्ट्स आपल्या पदरात पाडून घेतले आहेत.
याबाबतीत दीपिका पदुकोनने चांगलीच आघाडी घेत मागील तीनच दिवसात दोन मोठे प्रोजेक्ट्स आपल्याकडे राखण्यात यश मिळविले आहे. बाहुबली फेम प्रभास सोबत दीपिकाची जोडी एका चित्रपटासाठी अंतिम झाली असतानाच आता दीपिकाला पुन्हा एका नवीन चित्रपटाची संधी मिळाली आहे. अधिकृत सूत्रांच्या माहितीनुसार दीपिकाने यशराज फिल्मच्या चित्रपटात आपले नाव पक्के केले असून आता ती बॉलीवूडच्या तीन प्रमुख खानांपैकी एका खानाबरोबर प्रमुख भूमिकेत असणार आहे.
विशेष म्हणजे यात शाहरुख खानच्या नावाची चर्चाच जोरावर असून शाहरुखचे यशराज सोबतचे अनेक वर्षांसोबतचे संबंध पुन्हा कामाला येतील, असे दिसते. हृतिक आणि टायगरच्या “ वॉर ” या चित्रपटाचे दिग्दर्शन केलेल्या सिद्धार्थ आनंद या आगामी चित्रपटाचे दिग्दर्शन करणार आहे. यशराजला नुकतीच पन्नास वर्षे पूर्ण झाल्याच्या निमित्ताने एका मोठ्या कार्यक्रमाचे आयोजन होऊन त्यात अनेक विविध चित्रपटांच्या घोषणा यशराजकडून होणार होत्या. मात्र कोविड 19 च्या पार्श्वभूमीवर सगळ्या आयोजनावर पाणी फेरले आहे
--------------------------------------------------------------
Edited by Tushar Sonawane
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.