बॉलिवूड अभिनेत्री दीपिका पदुकोण (Deepika Padukone) आणि सिद्धांत चतुर्वेदी (Siddhant Chaturvedi)यांच्या आगामी 'गेहरांईया' (Gehraiyaan) या चित्रपटातील पहिले गाणे 'डूबे' (Doobey) रिलीज झाले आहे. दीपिकाने तिच्या इंस्टाग्रामवर याची क्लिप अपलोड केली आहे. संपूर्ण गाण्यात दोघांमध्ये अनेक इंटिमेट आणि बोल्ड सीन्स दाखवण्यात आले आहेत. या गाण्यात दीपिका आणि सिद्धांतच्या केमिस्ट्रीला नेटीझन्सकडून पसंदी मिळत आहे.त्याचबरोबर निगेटिव्ह कमेंटही येत आहेत.

रणवीर सिंहसोबत लग्न केल्यानंतर दीपिका पदुकोण पहिल्यांदाच इतक्या बोल्ड भूमिकेत दिसली आहे. यापूर्वी ‘राम लीला’मध्ये रणवीरसोबतचा तिचा किसिंग सीन चर्चेत होता. त्यानंतर आता ‘डुबे' या गाण्यात दीपिकाचा सिद्धांत सोबत बोल्ड लुक आणि किसिंग सीन चर्चेत येत आहे.

गेहरांईया हा चित्रपट प्रदर्शनापूर्वीच बोल्ड सीन्समुळे चर्चेत आला आहे. दीपिकाने तिच्या इंस्टाग्रामवर याची 30 सेकंदांची क्लिप अपलोड केली आहे. 'डूबे' या संपूर्ण गाण्यात 5 किसिंग सीन आहेत. लग्नानंतर बोल्डनेस सीन्स देण्यावरुन चाहते नाखूष झाले आहेत.

'गेहराईयाँ' या चित्रपटात दीपिकाने अलिशाची भूमिका साकारली आहे. हा चित्रपट येत्या ११ फेब्रुवारी रोजी अॅमेझॉन प्राइम व्हिडीओवर प्रदर्शित होणार आहे. दीपिका, सिद्धांत, अनन्या यांच्यासोबतच धैर्य कारवा, नसीरुद्दीन शाह आणि रजत कपूर यांच्याही चित्रपटात महत्त्वपूर्ण भूमिका आहेत.