अभिनेत्री दिया मिर्झा आजही 'रहना है तेरे दिल मे' या चित्रपटातील भूमिकेसाठी ओळखली जाते. या चित्रपटानंतर दियाच्या सौंदर्याचा मोठा चाहतावर्ग निर्माण झाला. काही दिवसांपूर्वीच दिया तिच्या दुसऱ्या लग्नामुळे सोशल मीडियावर चर्चेत होती. आता तिने तिच्या इन्स्टाग्राम अकाऊंटवर काही बोल्ड फोटो पोस्ट केले आहेत. दियाने व्यावसायिक वैभव रेखीशी दुसरं लग्न केलं. मुंबईत पार पडलेल्या या लग्नसोहळ्याला मोजकेच पाहुणे आणि मित्रमंडळी उपस्थित होते. लग्नानंतर दिया आणि वैभव मालदिव याठिकाणी फिरायला गेले आहेत. तिथलेच काही फोटो दियाने सोशल मीडियावर पोस्ट केले आहेत. 

दियाच्या फोटोंची चर्चा
विविध फोटो आणि पोस्टद्वारे दिया नेहमीच नेटकऱ्यांचं लक्ष वेधून घेते. तिने नुकत्याच पोस्ट केलेल्या फोटोंवर चाहत्यांकडून लाइक्स आणि कमेंट्सचा वर्षाव होत आहे. मालदिवच्या निळ्याशार समुद्रकिनारी वैभवने दियाचे हे फोटो काढले आहेत. यामध्ये दियाने बिकिनी टॉप आणि श्रग परिधान केल्याचं दिसून येत आहे. दियाचा हा बोल्ड अंदाज चाहत्यांना फारच आवडला आहे. 'जणू स्वर्गच', असं कॅप्शनमध्ये लिहित दियाने सुट्ट्यांचा मनसोक्त आनंद लुटत असल्याचं सांगितलं. 

हेही वाचा : पाच वर्षे डेट केल्यानंतर प्रसिद्ध अभिनेत्रीने केला साखरपुडा; प्रभूदेवासोबत होतं अफेअर

दियाने १५ फेब्रुवारी रोजी वैभव रेखीसोबत दुसरं लग्न केलं. वैभवचंही हे दुसरं लग्न आहे. त्याला पहिल्या पत्नीपासून एक मुलगी आहे. दियाचा लग्नसोहळा एका महिला पंडिताने पार पाडला होता. त्याचेही फोटो सोशल मीडियावर चर्चेत होते. याआधी दियाने साहिल संघाशी लग्न केलं होतं. २०१९ मध्ये तिने साहिलला घटस्फोट दिला.