बॉलिवूड इंडस्ट्रीला आणि अभिनेता आमिर खानला Aamir Khan एका वेगळ्याच उंचीवर नेऊन पोहोचवणारा 'लगान' Lagaan हा चित्रपट २० वर्षांपूर्वी प्रदर्शित झाला. या चित्रपटातील प्रत्येक भूमिकेने प्रेक्षकांची मनं जिंकली होती. त्यातील काही दृश्यांवरून आजही सोशल मीडियावर मीम्स व्हायरल होतात. आशुतोष गोवारीकर Ashutosh Gowariker यांनी या चित्रपटाचं दिग्दर्शन केलं होतं. पण तुम्हाला माहितीये का, अनेक पुरस्कार पटकावलेल्या या चित्रपटाला आमिरने आधी दोन वेळा नकार दिला होता. एका मुलाखतीत खुद्द आमिरने याचा खुलासा केला होता.

गोवारीकर यांनी आमिरला स्क्रिप्ट दाखवली. मात्र त्याला कथा खूप विचित्र वाटल्याने त्याने ती नाकारली. याविषयी आमिर म्हणाला होता, "चित्रपटाची कथा ऐकल्यानंतर पाचव्या मिनिटाला मी ती नाकारली होती. कारण मला कथानक खूप विचित्र वाटलं होतं. असं कुठेही घडणं शक्य नाही म्हणत मी त्यांना नकार दिला होता."

जवळपास महिनाभरानंतर गोवारीकर यांनी कथा पूर्ण करून पुन्हा एकदा आमिरला चित्रपटाची स्क्रिप्ट दाखवली होती. त्यावेळी आमिरला चित्रपटाविषयी उत्सुकता निर्माण झाली. 'लगान'ची पूर्ण कथा ऐकल्यानंतर आमिरने गोवारीकरांना होकार कळवला. २००१ रोजी हा चित्रपट प्रदर्शित झाला आणि ऑस्कर अवॉर्डसाठी त्याला नामांकनसुद्धा मिळालं होतं. या चित्रपटात आमिरने 'भुवन' नावाची भूमिका साकारली होती.