मुंबई- दिवंगत अभिनेता सुशांत सिंह राजपूतचा शेवटा सिनेमा 'दिल बेचारा' डिजीटल प्लॅटफॉर्मवर रिलीज होत आहे.. या दरम्यान संगीतकार ए.आर.रेहमान यांनी अमिताभ भट्टाचार्य आणि सिनेमाच्या इतर गायक आणि गीतकारांसोबत त्यांच्या स्टाईलने सुशांतला श्रद्धांजली अर्पण केली आहे. या म्युझिकल ट्रीब्युटची घोषणा काही दिवसांपूर्वी करण्यात आली होती तर काल बुधवारी त्याचा ट्रेलर देखील रिलीज करण्यात आला होता. आता या म्युझिकल ट्रीब्युटचा व्हिडिओ समोर आला आहे. सुशांतच्या चाहत्यांसाठी हा खूपंच भावूक क्षण आहे.

हे ही वाचा: दीपिका पदूकोण आणि प्रियांकाची चोप्राची मुंबई पोलीस करणार चौकशी? 'या' प्रकरणात अडकण्याची शक्यता'

दिल बेचारा' सिनेमाच्या टीमने सुशांतच्या आठवणीत एक स्पेशल व्हिडिओ रिलीज केला आहे जे सुशांतसाठी एक म्युझिकल ट्रीब्युट आहे. या व्हिडिओच्या सुरुवातीला ए,आर.रेहमान सांगतात की 'हा अल्बम खास आहे आणि आता तर या ९ गाण्यांचा अर्थच वेगळा झालाय.'

या व्हिडिओमध्ये ज्यास्तकरुन गायक आणि गीतकार अमिताभ भट्टाचार्य यांचं नरेशन दिसून येतंय. या सिनेमातील गाण्यांना श्रेया घोषाल, सुनिधी चौहान, मोहित चौहान, अरिजीत सिंह, जोनिता गांधी, राजा कुमारी, आदित्य नारायण सारख्या गायकांनी आवाज दिला आहे. 

'दिल बेचारा' या सिनेमाचं टायटल ट्रॅक, 'तारे गिन' आणि 'खुलके जीने का' ही गाणी सिनेमाच्या रिलीज आधीच प्रेक्षकांच्या पसंतीस पडली आहेत. या गाण्यांचे व्हिडिओ देखील मोठ्या प्रमाणावर पाहिले गेले आहेत.

सुशांतचा हा शेवटचा सिनेमा असल्याने त्याच्या चाहत्यांसाठी हा क्षण खूप भावूक करणारा आहे. त्याच्या सिनेमातील या गाण्यांना प्रेक्षकांचा भरपूर प्रतिसाद मिळत आहे. आता सिनेमा रिलीज झाल्यावर प्रेक्षक त्याचा सिनेमापाहण्यासाठी तुटून पडतील. हा सिनेमा ओटीटी प्लॅटफॉर्मवर प्रेक्षकांना विनामुल्य पाहता येणार आहे.   

dil bechara musical team pay heartfelt tribute to sushant singh rajput with a r rehman