Dipika Kakar Baby Boy: ससुराल सिमर का फेम अभिनेत्री दीपिका कक्कड आणि शोएब इब्राहिम यांच्या घरी आज छोट्या पाहुण्याचे आगमन झाले आहे. दोघेही आई-वडील झाले आहेत. त्यांना मुलगा झाला आहे.

गेल्या अनेक दिवसांपासून दिपिका तिच्या गरोदरपणाबद्दल चर्चेत होती. नुकतिच दोघांनी अधिकृत पोस्टद्वारे ही गोड बातमी चाहत्यांसोबत शेयर केली आहे. या जोडप्याचा आनंद सध्या गगनात मावेनासा झाला आहे

शोएब इब्राहिमने इंस्टाग्राम स्टोरीवर एक पोस्ट शेयर करत चाहत्यांना माहिती दिली त्यात त्याने लिहिलं की, 'आज 21 जून 2023 रोजी सकाळी आमच्या घरी मुलाचा जन्म झाला. ही प्रीमॅच्युअर डिलीव्हरी होती, पण घाबरण्याचे काही नाही. फक्त प्रार्थना आणि आशीर्वाद देत राहा.

ही गोड बातमी समोर आल्यानंतर चाहत्यांनी दोघांवरही कौतुकाचा वर्षाव सुरु केला आहे. गेल्या अनेक दिवसापासून दीपिका कक्कड तिच्या गरोदरपणामुळे चर्चेत होती. ती बरेच अपडेट्स अनेकदा सोशल मीडियावर चाहत्यांसह शेअर करत असायची आता मुलाच्या आगमनानंतर दोघेही खुप खुश आहेत.

दीपिका कक्कड आणि शोएब इब्राहिम हे टीव्ही इंडस्ट्रीतील सर्वात क्यूट कपल आहे. त्यांनी 2018 मध्ये लग्न करण्याचा निर्णय घेतला.

दीपिका आणि शोएबच लग्न मूळ गावी मौदाहा, यूपीमध्ये झाला होता. वर्क फ्रंटबद्दल बोलायचे झाले तर दीपिका कक्करने लग्नानंतर फारसे काम केलेले नाही आणि ती फक्त ' कहाँ हम कहाँ तुम' या मालिकेत दिसली आहे.