मुंबई - दिग्दर्शक रवींद्र पीपट यांचे आज कर्करोगाने राहत्या घरी निधन झाले. त्यांच्या पार्थिवावर ओशिवरा येथील स्मशानभूमीत अंतिम संस्कार करण्यात आले.

रवींद्र पीपट यांनी लावा या चित्रपटाद्वारे दिग्दर्शक म्हणून हिंदी चित्रपटसृष्ीत पाऊल टाकले. हा चित्रपट सन १९८५ मध्ये प्रदर्शित झाला होता. या चित्रपटात राज बब्बर, डिंपल कपडिया, राजीव कपूर आदी कलाकारांनी काम केले होते. त्यानंतर त्यांचा सन १९८८ मध्ये वारीस हा चित्रपट प्रदर्शित झाला होता.

कैद में है बुलबुल, आओ प्यार करें, घर आया परदेसी अशा काही चित्रपटांचे दिग्दर्शन केले. हंदी चित्रपटांबरोबरच त्यांनी वंश या टीव्ही मालिकेचेही दिग्दर्शन केले. तसेच काही पंजाबी चित्रपटांचेही त्यांनी दिग्दर्शन केले.