मुंबई ः काही दिवसांपूर्वी 'बाहुबली' चित्रपटाचे दिग्दर्शक एस. एस. राजामौली यांना कोरोनाची लागण झाली होती. दोन आठवड्यांपूर्वीच राजामौली यांच्यासह त्यांच्या कुटुंबीयांचीही चाचणी पॉझिटिव्ह आली होती. पण आता एस. एस. राजामौली आणि त्यांच्या कुटुंबीयांनी कोरोनाला हरवल्याची बातमी समोर येत आहे.
स्वत: एस. एस. राजामौली यांनी ही माहिती दिली आहे. आपल्या ट्विटर अकाउंटवरुन ही आनंदाची बातमी शेअर करताना त्यांनी लिहिले आहे की, "दोन आठवड्यांची प्रतीक्षा संपली आहे. आता आम्हाला कोणत्याही प्रकारची लक्षणे नाहीत. दोन आठवड्यानंतर आम्हा सगळ्यांचे रिपोर्ट्स निगेटिव्ह आले आहेत. डॉक्टर म्हणतात की आम्ही प्लाझ्मा देण्यासाठी पुरेशी अँटीबॉडीज विकसित केली आहे की नाही हे पाहण्यासाठी आणखी तीन आठवडे थांबावे लागेल."
एस. एस. राजामौली आणि त्यांच्या कुटुंबाला दोन आठवड्यांपूर्वी हलकासा ताप आला होता. त्यानंतर त्यांनी कोरोना चाचणी करून घेण्याचा निर्णय घेतला. राजामौली यांनी आपल्या अधिकृत ट्विटर अकाऊंटवर असेही म्हटले आहे की, हलक्या तापानंतर त्यांनी कोविड-19 ची टेस्ट केली जी पॉझिटिव्ह आली होती. त्यानंतर डॉक्टरांच्या देखरेखीखाली संपूर्ण कुटुंब दोन आठवडे होम क्वारंटाईन होते. त्यानंतर आता संपूर्ण कुटूंबाचा कोरोना अहवाल निगेटिव्ह आला आहे.
राजामौली यांचा'आरआरआर' हा चित्रपट येणार आहे. या चित्रपटात रामचरण, आलिया भट्ट, अजय देवगन आणि श्रिया सरन यांनी मुख्य भूमिका साकारल्या आहेत. यापूर्वी हा चित्रपट यावर्षी जुलैमध्ये प्रदर्शित होणार होता, पण लॉकडाऊनमुळे बंद झालेल्या चित्रपटाच्या शूटिंगमुळे आता निर्मात्यांनी पुढच्या वर्षी 8 जानेवारीला हा चित्रपट प्रदर्शित करण्याचा निर्णय घेतला आहे.
------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.