'ओ साथी', 'स्लो मोशन', 'हुई मलंग', 'कौन तुझे' या अनेक गाण्यातील मुख्य भूमिका साकारणारी अभिनेत्री दिशा पटानी ही सुरवातीला एका चॉकलेटच्या जाहिरातीतून करिअरची सुरूवात केली होती. सुरवातीला फक्त ५०० रुपये घेऊन दिशा मुंबईत आली होती आणि एक वेळ अशी आली की जेव्हा तिच्याकडे अजिबात पैसे नव्हते.  

दिशा पटानीचे आज लाखो चाहते आहेत. अत्यंत कमी वेळात दिशाने बॉलिवूडमध्ये आपलं स्थान निर्माण केलं. सुशांत सिंह राजपूतच्या ‘एम.एस.धोनी- द अनटोल्ड स्टोरी’ या चित्रपटातून तिने पदार्पण केलं. पहिल्याच चित्रपटासाठी तिला वाहवा मिळाली.सुरवातीला बॉलिवूडमध्ये काम करण्याचं स्वप्न साकार करण्यासाठी दिशाने बऱ्याच अडचणींचा सामना केला आहे.सुरुवातीच्या दिवसात जाहिराती आणि चित्रपटांच्या ऑडिशन्ससाठी दिशाने खूप प्रयत्न केले.

काम मिळालं नाही तर घरभाडं कसं देऊ याचा सतत ताण तिच्यावर होता. दिशाच्या पहिल्याच चित्रपटात ऐनवेळी तिला नाकारून दुसऱ्या अभिनेत्रीला घेण्यात आलं. मात्र या नकाराकडेही तिने सकारात्मक दृष्टीकोनातून पाहिलं. दिशाने एका मुलाखतीत असं सांगितलं की, 'नकार तुम्हाला अधिक खंबीर बनवतो हे मला सुरुवातीलाच शिकायला मिळालं. ज्या कारणासाठी तुम्हाला नकार मिळतो, तेव्हा त्यासाठी तुम्ही अधिक मेहनत घेता'. 

हेही वाचा : या अभिनेत्रीच्या कुटुंबातील इतक्या सदस्यांना करोनाचा धोका, सरकारकडे मागतीय मदत 

अभिनेत्री होण्याचं स्वप्न पूर्ण करण्यासाठी दिशाने अर्ध्यावरच शिक्षण सोडलं होतं. त्यावेळी शिक्षण अर्धवट सोडून ती मुंबईला आली. कोणत्याही ओळखीशिवाय एका नवीन शहरात येऊन राहणं तिच्यासाठी काही सोपी गोष्ट नव्हती.