मुंबई - छोट्या पडद्यावरील प्रसिध्द अभिनेत्री दिव्यांका त्रिपाठी सोशल मीडियावर नेहमी अॅक्टिव्ह असते. सोशल मीडियावरील चाहत्यांच्या प्रश्नांची उत्तरे दिव्यांका नेहमी देते. दिव्यांकाला सोशल मीडियावर अनेक जण ट्रोल करत असतात. दिव्यांकाने 'क्राइम पेट्रोल' या शोमध्ये काम केले आहे. या शो विषयी नुकताच घनश्याम नावाच्या एक नेटकऱ्याने दिव्यांकाला ट्विटरवर टॅग करून प्रश्न विचारला. या प्रश्नाला दिव्यांकाने तिच्या खास अंदाजामध्ये उत्तर दिले आहे. (divyanka tripathi hits back to troller who asked her why she does not wear dupatta in crime patrol)

घनश्यामने दिव्यांकाला ट्विटरवर प्रश्न विचारला, 'क्राइम पेट्रोलमध्ये तुम्ही ओढणी का घेत नाही?' त्यावर दिव्यांकाने उत्तर दिले,' मी ओढणी घेत नाही कारण तुमच्या सारखे लोक ओढणी न घेणाऱ्या मुलीचा देखील आदर करतील. कृपया तुम्ही तुमच्या आसपासच्या मुलांचे विचार बदला. मुलींच्या कपड्यांविषयी तुम्ही बोलू नका. माझ शरीर, माझी अब्रू, माझी मर्जी. तुमचे विचार तुमची मर्जी' दिव्यांकाने या नेटकऱ्याला दिलेल्या उत्तराचे सोशल मीडियावर सर्वांनी समर्थन केले आहे.

दिव्यांकाने एका मुलाखतीमध्ये ट्रोलर्सबद्दल तिचे मत व्यक्त केले होते. तेव्हा ती म्हणाली,'सगळे पुरूष सारखे नसतात. दिव्यांका सध्या 'खतरों के खिलाड़ी 11'या शोसाठी केपटाउन येथे गेली आहे. या शो च्या शूटिंगमधील फोटो ती सोशल मीडियावर पोस्ट करत असते.