Divyanka Tripathi Pregnancy News: टीव्ही अभिनेत्री दिव्यांका त्रिपाठीची फॅन फॉलोइंग खूप मोठी आहे.

चाहत्यांसाठी ती अजूनही 'बनू में तेरी दुल्हन'ची विद्या आणि 'ये है मोहब्बतें'ची इशिता भल्ला आहे. तिच्या शो व्यतिरिक्त ती तिच्या वैयक्तिक आयुष्यात देखील चर्चेत असते.

गेल्या अनेक दिवसांपासून बातम्या येत होत्या की, लवकरच दिव्यांकाच्या घरात बाळाच्या रडण्याचा आवाज येणार आहे. ती गरोदर आहे. मात्र आता तिचा पती विवेक दहियाने याविषयी सत्य सांगीतलं आहे.

विवेक दहियाने इंडिया टुडेशी संवाद साधताना सांगितले की, त्याची पत्नी दिव्यांका त्रिपाठी गर्भवती नाही. असे काही घडले तर ही आनंदाची बातमी चाहत्यांना नक्कीच सांगेन असेही तो म्हणाला.

विवेक म्हणाला, 'मला समजत नाही की हे आमच्यासोबत का होत आहे. तो इंटरनेटवर अनेक वेळा येतो. पण नाही, ती गरोदर नाही. जेव्हा हे घडेल तेव्हा आम्ही आमच्या चाहत्यांना नक्की सांगु.

अशी सुरु झाली दिव्यांकाची प्रेमकहाणी...

'ये है मोहब्बतें'च्या सेटवर दिव्यांका आणि विवेकची प्रेमकहाणी सुरू झाली. दोघेही एकमेकांच्या प्रेमात पडले होते. 2016 मध्ये दिव्यांकाने विवेकसोबत तिच्या गावी भोपाळमध्ये लग्न केलं. त्यांच्या लग्नाला ६ वर्षे झाली आहेत.

दोघेही सोशल मीडियावर खूप सक्रिय असतात आणि चाहत्यांना त्यांच्या आयुष्यातील चांगल्या-वाईट काळाबद्दल सांगत असतात. नुकतेच विवेकच्या बहिणीचे लग्न झाले तेव्हा दिव्यांका आणि विवेक चंदीगडमध्ये मस्ती करताना दिसले.