TV Actress Dolly Sohi Cancer: टिव्ही इंडस्ट्रीतील प्रसिद्ध अभिनेत्री डॉली सोही हिने तिच्या अभिनयाने मनोरंजन विश्वात वेगळी ओळख निर्माण केली आहे. 'भाभी' फेम अभिनेत्री डॉली सोहीने नुकतंच 'परिणिती' या मालिकेद्वारे छोट्या पडद्यावर पुनरागमन केले आहे.

मात्र आता डॉलीने एक धक्कादायक माहीती चाहत्यांसोबत शेयर केली आहे. तिने माहिती दिली आहे की तिला गर्भाशयाच्या मुखाचा कर्करोग झाला आहे. तिने इंस्टाग्रामवर एक पोस्ट शेअर करून भावनिक नोट लिहिली आहे. या पोस्टमध्ये डॉलीने तिचा बाल्ड लूक फोटो शेअर केला आहे.

डॉलीने आपल्या पोस्टमध्ये लिहिले की, 'तुमचे प्रेम आणि प्रार्थनांबद्दल सर्वांचे आभार. अलीकडे आयुष्य एक रोलर कोस्टर झाले आहे, परंतु जर तुमच्यात लढण्याची ताकद असेल तर तुमचा प्रवास सुकर होईल. तुम्ही काय निवडता त्यावर सगळं काही अवलंबून आहे. प्रवासाचा बळी किंवा प्रवासातून जगणं.

कर्करोग हा एक गंभीर आजार आहे ज्याचा आपण योग्य उपचार आणि संयमाने पराभव करु शकतो. आता डॉलीने ही लढाई जिंकली आहे. त्यामुळे डॉली आता तिच्या चाहत्यांसाठी एक प्रेरणा बनली आहे.

आपल्या आजाराविषयी डॉली सिंगने ETimes शी संवाद साधला होता. या वेळी तिने सांगितलं की, तिला सुरुवातीला काही लक्षणे दिसली आणि नंतर तिला कर्करोगाचे निदान झाले. तिला 6-7 महिन्यांपूर्वी काही लक्षणे दिसली होती मात्र तिने त्याकडे दुर्लक्ष केले.

जेव्हा तिचा त्रास वाढला त्यावेळी ती स्त्रीरोगतज्ञाकडे गेली आणि काही चाचण्या करून घेतल्या. चाचण्यानंतर गर्भाशय काढून टाकावं लागेल असं तिला सांगण्यात आलं होतं.

त्यानंतरच्या चाचण्यानंतर तिला गर्भाशयाच्या मुखाचा कर्करोग झाल्याचे आढळून आले. त्यानंतर तिने यावर उपचार घेणे सुरु केले. आता ती ही लढाई लढत आहे. तिची केमोथेरपीचालू आहे.

48 वर्षीय डॉली सोहीने तिच्या अभिनय कारकिर्दीत अनेक टीव्ही मालिकांमध्ये काम केले आहे. डॉलीने "देवों के देव महादेव, हिटलर दीदी, कुसुम आणि भाभी" सारख्या मालिकांमध्ये काम केले आहे. तिने कोलकाता आणि काश्मीरमध्ये तिच्या आगामी 'झनक' शोचे शूटिंग पूर्ण केले आहे.