Ed Sheeran in Mumbai : एड शीरन भारतात आला आहे. मंगळवारी त्याने मुंबईतील एका शाळेला भेट देताना एक व्हिडिओ इंस्टाग्रामवर शेअर केला. त्यामुळे त्याची भारतातील चाहत्यांना आश्चर्याचा धक्का बसला आहे. ED शीरन याने वर्गात विद्यार्थ्यांशी संवाद साधला तसेच त्यांच्यासाठी गाणी गायली. 2024 मध्ये त्याच्या आशिया आणि युरोप टूरचा एक भाग म्हणून 16 मार्च रोजी मुंबईत त्याचा शो होणार आहे.

'शेप ऑफ यू' या गाण्याने जगभरात खळबळ माजवणारा गायक एड शीरन भारतातही धुमाकूळ घालण्यासाठी सज्ज झाला आहे. जागतिक स्तरावर प्रसिद्ध असलेला हा गायक मुंबईत पोहोचला आहे.

एड शीरनची सोशल मीडियावर चांगली फॅन फॉलोइंग आहे. 'शेप ऑफ यू' या गाण्यानंतर त्याच्या सोशल मीडिया अकाउंटवर परदेशीच नाही तर देशी चाहत्यांची संख्याही वाढली. हा प्रसिद्ध गायक सध्या मुंबईत आहे. एड शीरनच्या इंस्टाग्राम अकाऊंटवरून एक व्हिडिओ समोर आला आहे, ज्यामध्ये तो मुंबईतील एका शाळेत मुलांसोबत मस्ती करताना दिसत आहे.

व्हिडिओमध्ये एड शीरन गिटार वाजवताना मुलांसोबत 'शेप ऑफ यू' गाणे म्हणत आहे. त्याचवेळी काही विद्यार्थ्यांनी त्याच्यासाठी एक खास गाणेही गायले, ज्याचा एड शीरनने खूप आनंद घेतला. इतकंच नाही तर त्यांनी तिथल्या मुलांशी आणि शिक्षकांशीही संवाद साधला. गायकाच्या या डाउन टू अर्थ वर्तनाने चाहत्यांची मने जिंकली आहेत. चाहत्यांनी एड शीरनचे खूप कौतुक केले आहे. (Latest Marathi News)

एड शीरन एका कॉन्सर्टसाठी मुंबईत आला आहे. 16 मार्च रोजी तो येथे परफॉर्म करणार आहे. मुंबईत परफॉर्म करण्याची त्याची ही दुसरी वेळ असेल. याआधी 2017 मध्ये त्यांचा पहिला कॉन्सर्ट भारतात झाला होता.